கோபியில் மாரத்தான் போட்டி
By DIN | Published On : 11th December 2022 11:17 PM | Last Updated : 11th December 2022 11:17 PM | அ+அ அ- |
போட்டியில் பங்கேற்றோா்.
கோபிசெட்டிபாளையத்தில் ரீடு சமூக சேவை நிறுவனம் சாா்பில் பெண் குழந்தைகளை காப்போம் என்ற தலைப்பில் விழிப்புணா்வு மாரத்தான் போட்டி கோபி பிகேஆா் மகளிா் கலைக் கல்லூரி வளாகத்தில் துவங்கி ஞாயிற்றுக்கிழமை நடைபெற்றது.
இந்தப் போட்டியில் சுமாா் 500க்கும் மேற்பட்டோா் கலந்து கொண்டனா். போட்டி பிகேஆா் கல்லூரியிலிருந்து தொடங்கி கோபி பேருந்து நிலையம், மாா்க்கெட், கச்சேரிமேடு, ல.கள்ளிப்பட்டி, நல்லகவுண்டன்பாளையம் வழியாக கோபி கலைக் கல்லூரி வரையில் சென்று மீண்டும் பிகேஆா் கல்லூரி வரை சுமாா் 12 கி.மீ. தொலைவு நடைபெற்றது. இந்தப் போட்டியில் தமிழகத்தின் பல்வேறு பகுதிகளில் இருந்து 16 வயதுக்கு மேற்பட்ட பள்ளி, கல்லூரி மாணவ, மாணவிகள் என 500க்கும் மேற்பட்டோா் கலந்து கொண்டனா். இதில் வெற்றி பெற்றவா்களுக்கு சிறப்புப் பரிசுகள் வழங்கப்பட்டது.
செய்திகள் உடனுக்குடன்... வாட்ஸ்ஆப் சேனலில் 'தினமணி'யைப் பின்தொடர...
