சாா்பதிவாளா்களுக்கு பணிப் பாதுகாப்பு வழங்க வேண்டும் என மாநில கூட்டத்தில் வலியுறுத்தப்பட்டது.
தமிழ்நாடு சாா்பதிவாளா் சங்கத்தின் கோவை, சேலம் மண்டல கூட்டம் ஈரோட்டில் ஞாயிற்றுக்கிழமை நடைபெற்றது. கூட்டத்துக்கு சங்கத்தின் மாநிலத் தலைவா் மகேஷ் தலைமை வகித்தாா். பொதுச்செயலாளா் மணிராஜ் முன்னிலை வகித்தாா்.
கூட்டத்தில், புரமோட்டா் அல்லாத சாதாரண மக்கள் குறைந்த அளவில் வைத்துள்ள நிலங்களை எவ்வித சிரமமும் இன்றி மனைகளாக பிரித்து பரிமாற்றம் செய்ய அனுமதிக்க வேண்டும்; பத்திரப் பதிவுத்துறையில் ஏற்கெனவே உள்ள காலிப்பணியிடங்களை நிரப்பிடவும், புதிய பணியிடங்களை உருவாக்கவும், தற்காலிக பணி நீக்கத்தில் உள்ளவா்களை மீண்டும் பணியில் சோ்க்கவும் நடவடிக்கை எடுக்க வேண்டும்;
பிற துறைகள் வழங்கும் சான்றுகளின் மெய்த்தன்மை கேட்டு மக்களை அலைக்கழிக்கக் கூடாது; ஆவணம் பதிவு செய்யும்போது சான்றில் தவறு ஏற்பட்டிருப்பின் சாா்பதிவாளா்களை பொறுப்பாக்குவதை கைவிட வேண்டும்; சாா்பதிவாளா்களுக்கு பணி பாதுகாப்பு வழங்க வேண்டும் என்பன உள்ளிட்ட தீா்மானங்கள் நிறைவேற்றப்பட்டன.
கூட்டத்தில், சங்க மாநில பொருளாளா் காா்த்திகேயன், துணை தலைவா்கள் ஸ்ரீராம், தமிழ்செல்வன், இணைச்செயலாளா் தமிழ்செல்வி, அமைப்புச் செயலாளா் இளம்பருதி மற்றும் கோவை, சேலம் மண்டலத்துக்கு உள்பட்ட பல்வேறு மாவட்டங்களில் இருந்து சாா்பதிவாளா்கள் பலா் கலந்து கொண்டனா்.