உள்ளாட்சி அமைப்புகளின் பிரதிநிதிகள் தங்கள் பகுதியில் உள்ள சுகாதாரப் பிரச்னைகளை முழுமையாக அறிந்து கொண்டு அதனை தீா்ப்பதற்கான நடவடிக்கைகளை மேற்கொள்ள வேண்டும் என மாவட்ட ஆட்சியா் ஹெச்.கிருஷ்ணனுண்ணி பேசினாா்.
பொதுசுகாதாரம் மற்றும் நோய்த்தடுப்பு மருந்துத் துறையின் சாா்பில் மாவட்ட சுகாதார பேரவை கூட்டம் ஈரோடு வேளாளா் மகளிா் கல்லூரியில் புதன்கிழமை நடந்தது. மேயா் சு.நாகரத்தினம், எம்எல்ஏக்கள் ஏ.ஜி.வெங்கடாசலம், சி.சரஸ்வதி ஆகியோா் முன்னிலை வகித்தனா். கூட்டத்துக்கு தலைமை வகித்து மாவட்ட ஆட்சியா் ஹெச்.கிருஷ்ணனுண்ணி பேசியதாவது:
ஈரோடு மாவட்டத்தைப் பொறுத்தவரை சுகாதாரத் துறை சிறப்பாக செயல்பட்டு வருகிறது. குறிப்பாக மக்களைதேடி மருத்துவம் என்ற திட்டத்தின் மூலமாக ஏராளமானோா் பயன்பெற்றுள்ளனா். சுகாதாரப் பணியில் ஈடுபட்டுள்ள மருத்துவா்கள் மற்றும் அதை சாா்ந்துள்ள அலுவலா்கள், பணியாளா்களுக்கு பாராட்டுகள். பொதுசுகாதாரத் துறையை சாா்ந்த பணியாளா்கள் அனைவரும் இத்துறைக்கு மேன்மேலும் சேவையாற்ற வேண்டும்.
கூட்டத்தில் பங்கேற்றுள்ள உள்ளாட்சி அமைப்புப் பிரதிநிதிகள் அனைவரும் தங்கள் பகுதியில் உள்ள சுகாதார பிரச்னைகளை முழுமையாக அறிந்துகொண்டு அதனை தீா்ப்பதற்கான நடவடிக்கைகளை மேற்கொள்ள வேண்டும். மேலும் தங்கள் பகுதியில் உள்ள பள்ளி செல்லா குழந்தைகளைக் கண்டறிந்து அவா்களை மீண்டும் பள்ளி செல்வதற்கு அவா்களின் பெற்றோா்களிடம் வலியுறுத்த வேண்டும்.
அங்கன்வாடியில் உள்ள குழந்தைகளின் ஆரோக்கியத்தைக் கண்காணிப்பதுடன் அவா்களின் எடை மற்றும் உயரம் ஆகியவை சரியாக உள்ளதா என்பது குறித்தும் கண்காணிக்க வேண்டும். அனைத்துதுறை அலுவலா்களும் ஒருங்கிணைந்து பணியாற்றி சுகாதாரத்தை பேணிப் பாதுகாக்க வேண்டும் என்றாா்.
கூட்டத்தில் நகா்ப்புற மற்றும் கிராமப்புற உள்ளாட்சி மக்கள் பிரதிநிதிகள் மற்றும் தன்னாா்வ தொண்டு நிறுவன அமைப்பினா் ஆகியோா் கலந்து கொண்டு தங்கள் பகுதியில் சுகாதார கட்டமைப்பு வசதிகள், சுகாதார நலத்திட்டங்கள் மேம்படுத்துதல் தொடா்பாக ஆலோசனைகளயும், கோரிக்கைகளையும் வழங்கினா்.
பொதுசுகாதாரம் மற்றும் நோய்த்தடுப்பு மருந்துத் துறை உள்ளிட்ட பல்வேறு துறைகளின் சாா்பில் கருத்துக்காட்சி அமைக்கப்பட்டிருந்தது.
துணைமேயா் செல்வராஜ், பொதுசுகாதாரம் மற்றும் நோய்த்தடுப்பு மருந்துத் துறை இயக்குநா் சித்ரா, கூடுதல் இயக்குநா் உமாதேவி, பெருந்துறை அரசு மருத்துவக் கல்லூரி முதல்வா் வள்ளிசத்தியமூா்த்தி, நலப்பணிகள் இணை இயக்குநா் பிரேமாகுமாரி, சுகாதாரப் பணிகள் துணை இயக்குநா் சோமசுந்தரம் உள்ளிட்டோா் பங்கேற்றனா்.