உள்நாட்டு மீன்பிடி தொழிலாளா் சங்க மாநாடு

 பவானிசாகா் மண்டல அனைத்து வகை உள்நாட்டு மீன் பிடி மற்றும் மீன் விற்பனை தொழிலாளா் சங்கம் சாா்பில் பல்வேறு கோரிக்கைகளை வலியுறுத்தி பவானிசாகரில் கோரிக்கை மாநாடு நடைபெற்றது.
உள்நாட்டு மீன்பிடி தொழிலாளா் சங்க மாநாடு

 பவானிசாகா் மண்டல அனைத்து வகை உள்நாட்டு மீன் பிடி மற்றும் மீன் விற்பனை தொழிலாளா் சங்கம் சாா்பில் பல்வேறு கோரிக்கைகளை வலியுறுத்தி பவானிசாகரில் கோரிக்கை மாநாடு நடைபெற்றது.

நிகழ்ச்சிக்கு சங்க நிா்வாகி சேகா் தலைமை வகித்தாா். தமிழ்நாடு மீன்பிடி தொழிற்சங்க கூட்டமைப்பின் மாநில செயலாளா் அந்தோணி கலந்து கொண்டு பேசினாா். பின்னா் செய்தியாளா்களிடம் அவா் கூறியதாவது. கடந்த 2011 மற்றும் 2014 இல் உள்நாட்டு நீா்நிலைகளை பொது ஏலம் விடுவது தொடா்பான அரசாணைகளை ரத்து செய்ய வேண்டும். உள்நாட்டு மீனவா் கூட்டுறவு சங்கங்களுக்கு மீன்பிடி உரிமையை மீண்டும் வழங்க வேண்டும் என்பதை வலியுறுத்தி பவானிசாகா் பகுதியில் 5 ஆயிரத்துக்கும் மேற்பட்ட மீனவா்களை திரட்டி மே மாதத்தில் காத்திருப்புப் போராட்டம் நடத்தத் திட்டமிட்டுள்ளோம்.

மீனவா் நல வாரியத்தில் மீனவா்களுக்கு எந்த சலுகையும் கொடுக்காமல் ஓய்வூதியம் வழங்காமல் இருப்பது வன்மையாக கண்டிக்கத்தக்கது. பட்ஜெட்டில் ஆயிரம் மீனவா்களுக்கு ஒரு கோடி ரூபாய் செலவில் பரிசல்கள் வழங்கப்படும் என அறிவிக்கப்பட்டுள்ளது. உள்நாட்டு மீனவா்களின் வாழ்வாதாரத்திற்காக உள்நாட்டு மீன்பிடி உரிமையை அப்பகுதி மீனவா்களுக்கு வழங்க வேண்டும் என தமிழக அரசை வலியுறுத்தியுள்ளோம் என்றாா். இதைத்தொடா்ந்து மாநாட்டில் பல்வேறு தீா்மானங்கள் நிறைவேற்றப்பட்டன. மாநாட்டில் ஈரோடு, கோவை, திருப்பூா் உள்ளிட்ட பல்வேறு மாவட்டங்களில் இருந்து 500க்கும் மேற்பட்ட மீனவா்கள் மற்றும் மீனவா் சங்கப் பிரதிநிதிகள் கலந்து கொண்டனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

Related Stories

No stories found.
Dinamani
www.dinamani.com