பெருந்துறை: தீபாவளி பண்டிகையை முன்னிட்டு, டிவிஎஸ் இருசக்கர வாகனம் வாங்கும் பெருந்துறை தொகுதி மக்களுக்கு முன்பணமாக ரூ.7 ஆயிரத்தை இலவசமாக வழங்குவதாக பெருந்துறை சட்டப் பேரவை உறுப்பினா் எஸ்.ஜெயக்குமாா் அறிவித்துள்ளாா்.
இது தொடா்பாக எம்.எல்.ஏ. அலுவலகம் வெளியிட்டுள்ள செய்திக் குறிப்பு: பெருந்துறை சட்டப் பேரவை உறுப்பினா் அலுவலகத்தில் நடைபெறும் முகாமில், டிவிஎஸ் நிறுவனத்தின் புதிய இருசக்கர வாகனங்கள் வாங்கும் பெருந்துறை தொகுதியைச் சோ்ந்தவா்களுக்கு சட்டப் பேரவை உறுப்பினா் எஸ்.ஜெயக்குமாா் முன்பணமாக ரூ.7000 ஆயிரத்தை வழங்குகிறாா்.
இதற்கான முகாம் பெருந்துறை சட்டப் பேரவை உறுப்பினா் அலுவலகத்தில் நவம்பா் 7-ஆம் தேதி முதல் 10- ஆம் தேதி வரை நடைபெறவுள்ளது. இந்த முகாமை செவ்வாய்க்கிழமை காலை 10 மணியளவில் சட்டப் பேரவை உறுப்பினா் எஸ். ஜெயக்குமாா் தொடங்கிவைக்கிறாா்.
முகாமில், டிவிஎஸ் நிறுவனத்தின் புதிய வாகனம் வாங்க விரும்புவோா் எந்த ஒரு முன் பணமுமின்றி சட்டப் பேரவை உறுப்பினா் வழங்கும் ரூ. 7000 முன் பணத்தோடும், பரிந்துரையோடும் நிறுவனத்தின் விதிமுறைகளுக்குள்பட்டு வாகனத்தைப் பெற்றுக் கொள்ளலாம்.
முகாமில், புதிய வாகனம் எடுப்பவா்களுக்கு மட்டுமே முன்பணம் ரூ.7,000 வழங்கப்படும். மற்ற நாள்களுக்கு இது பொருந்தாது எனத் தெரிவிக்கப்பட்டுள்ளது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.