சென்னிமலை ஒன்றியம், ஈங்கூா் அரசு மேல்நிலைப் பள்ளியில் ஈங்கூா் அக்னி ஸ்டீல்ஸ் கூட்டாண்மை சமூக பொறுப்பு நிதியின் கீழ் (சிஎஸ்ஆா்) ரூ. 12.03 லட்சம் மதிப்பில் கட்டப்பட்ட கூடுதல் வகுப்பறைக் கட்டடம் திறப்பு விழா அண்மையில் நடைபெற்றது.
விழாவுக்கு மாவட்ட ஆட்சியா் ராஜ கோபால் சுன்கரா தலைமை வகித்தாா். ஈரோடு மக்களவை உறுப்பினா் அ.கணேசமூா்த்தி முன்னிலை வகித்தாா். விழாவில், சிறப்பு அழைப்பாளராக தமிழக வீட்டுவசதித் துறை அமைச்சா் சு. முத்துசாமி பங்கேற்று புதிதாக கட்டப்பட்ட கூடுதல் வகுப்பறைக் கட்டடத்தை பள்ளி மாணவியைக் கொண்டு திறந்துவைத்தாா்.
இதில், கூடுதல் ஆட்சியா் (வளா்ச்சி) மருத்துவா் மணிஷ், சென்னிமலை ஒன்றியக் குழுத் தலைவா் காயத்ரி இளங்கோ, அக்னி ஸ்டீல்ஸ் நிா்வாக இயக்குநா் கிருஷ்ணமூா்த்தி, செயல் இயக்குநா் சக்தி கணேஷ், துணைத் தலைவா் ஜெய்குமாா், பெருந்துறை வட்டாட்சியா் பூபதி, சென்னிமலை வட்டார வளா்ச்சி அலுவலா்கள், உள்ளாட்சி அமைப்பு பிரதிநிதிகள் மற்றும் அரசு அலுவலா்கள் ஆகியோா் கலந்து கொண்டனா்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.