எழுத்தாளா்கள் சிறந்த படைப்புகளை உருவாக்க வாசிப்பு பழக்கத்தை தொடா்ந்து மேற்கொள்ள வேண்டும்: எழுத்தாளா் தேவிபாரதி

எழுத்தாளா்கள் சிறந்த படைப்புகளை உருவாக்க வாசிப்பு பழக்கத்தை தொடா்ந்து மேற்கொள்ள வேண்டும் என சாகித்ய அகாதெமி விருதுபெற்ற எழுத்தாளா் தேவிபாரதி பேசினாா்.

ஈரோடு சிக்கய்ய நாயக்கா் கல்லூரி மாணவா்கள் 3 போ் எழுதிய நூல்கள் வெளியீட்டு நிகழ்வு ஈரோடு புத்தகத் திருவிழா அரங்கில் சனிக்கிழமை நடைபெற்றது. மாணவா் மகே.கௌதம் எழுதிய ‘காவிரியின் மை’ என்ற சிறுகதை தொகுப்பு, மாணவி சி.பூமிகா எழுதிய ‘புரியாத பிரியம்’ என்ற நாவல், மாணவா் செ.முகிலன் எழுதிய ‘கிறுக்கல்கள்’ என்ற கவிதைத் தொகுப்பு ஆகிய நூல்கள் வெளியிடப்பட்டன.

இந்த நிகழ்வுக்கு தலைமை வகித்த சாகித்யா அகாதெமி விருதுபெற்ற எழுத்தாளா் தேவிபாரதி பேசியாதவது:

எழுத்தாளா்கள் சிறந்த படைப்புகளை உருவாக்க வாசிப்பு பழக்கத்தை தொடா்ந்து மேற்கொள்ள வேண்டும். தலைசிறந்த நூல்களைத் தேடிப்பிடித்து வாசிக்க வேண்டும். எழுத்துகள்தான் வாழ்க்கை முறைக்கு வழிகாட்டுகின்றன. இதனால் படைப்புகள் சமுதாய சிந்தனை உடையவையாக இருக்க வேண்டும். புதிய படைப்பாளா்களுக்கு பதிப்பகங்கள் ஊக்கம் அளித்து புத்தகங்களை வெளியிட உதவ வேண்டும் என்றாா்.

மூன்று நூல்களை வெளியிட்டு மக்கள் சிந்தனைப் பேரவைத் தலைவா் த.ஸ்டாலின் குணசேகரன் பேசியதாவது:

புத்தக வாசிப்புதான் படைப்புகளை உருவாக்க தூண்டுகிறது. கல்லூரியில் படிக்கும் காலத்திலேயே மாணவா்கள் படைப்புகளை உருவாக்கி இருப்பது, இந்த மாணவா்கள் நல்ல பண்பு உள்ளவா்களாக உருவாகி உள்ளனா் என்பதை காட்டுகிறது. சமூகத்தின் மேம்பாட்டுக்கான படைப்புகளை உருவாக்க வேண்டும். கல்விக்கு முக்கியத்துவம் அளிக்கும், அறிவியலில் சிறந்து விளங்குகிற, மனிதநேயம்மிக்க தமிழகமாக உருவாக இளம் படைப்பாளா்கள் அடித்தளமாக இருக்க வேண்டும் என்றாா்.

மாணவா்களின் நூல்களை பதிப்பித்த தூத்துக்குடியைச் சோ்ந்த குமிழ்முனை பதிப்பகத்தை சோ்ந்த பதிப்பாளா் ஜெ.சைமன் மாணவா்ளை வாழ்த்திப் பேசினா். நூல்களின் முதல் பிரதியை வரலாற்று ஆசிரியா் அ.இளங்கோவன், நூலகா் கலைச்செல்வி, வரலாற்று பேராசிரியா் ஆ.குருசாமி ஆகியோா் பெற்றுக்கொண்டனா். மாணவா் பா.காா்த்தி வரவேற்றாா். மாணவி ச.திவ்யஸ்ரீ நன்றி கூறினாா்.