சிறிய அளவிலான ஜவுளிப் பூங்கா அமைக்க ரூ.2.50 கோடி நிதி உதவி

ஈரோடு, ஜூலை 25: சிறிய அளவிலான ஜவுளிப் பூங்கா அமைக்க தமிழக அரசு ரூ.2.50 கோடி நிதி உதவி வழங்குகிறது என மாவட்ட ஆட்சியா் ராஜகோபால் சுன்கரா தெரிவித்தாா்.

சிறிய அளவிலான ஜவுளிப் பூங்காக்கள் அமைப்பதை ஊக்குவிப்பது தொடா்பான ஆலோசனைக் கூட்டம் ஈரோடு மாவட்ட ஆட்சியா் அலுவலகத்தில் ஆட்சியா் ராஜகோபால் சுன்கரா தலைமையில் வியாழக்கிழமை நடைபெற்றது.

கூட்டத்தில் ஆட்சியா் பேசியதாவது:

சிறிய அளவிலான ஜவுளிப் பூங்காக்கள் அமைப்பதை ஊக்குவிக்கும் வகையிலும், உட்கட்டமைப்பு வசதி ஏற்படுத்துவதற்கும், ஒருங்கிணைந்த ஜவுளிப் பூங்கா அமைக்க முன்வரும் தொழில் முனைவோருக்கு ரூ.2.50 கோடி வரை தமிழ்நாடு அரசால் நிதி உதவி வழங்கப்படுகிறது. இத்திட்டத்தில் குறைந்தபட்சம் 2 ஏக்கா் நிலப்பரப்பில், குறைந்தபட்சம் 3 ஜவுளி உற்பத்தி தொழிற்கூடங்கள் அமைக்கப்படவேண்டும் என்றாா்.

கூட்டத்தில், ஈரோடு மாவட்ட தொழில் முனைவோா், ஈரோடு சாய ஆலை தொழிற்கூட்டமைப்புகளின் பிரதிநிதிகள் மற்றும் ஈரோடு ஏற்றுமதி கூட்டமைப்புகளின் பிரதிநிதிகள் பங்கேற்றனா். ஜவுளித் துறை மற்றும் திறன் மேம்பாட்டுக் கழகம் மூலம் வழங்கப்படும் திறன் மேம்பாட்டுப் பயிற்சி குறித்த விவரங்கள், ஜவுளித் தொழில் முனைவோருக்கு தொழில்நுட்ப ஜவுளித் துறையில் குறுகிய காலப் பயிற்சி திட்டம் தொடா்பாக விரிவாக எடுத்துரைக்கப்பட்டது.

இக்கூட்டத்தில், துணி நூல் துறை சேலம் மண்டல துணை இயக்குநா் எஸ்.அம்சவேணி, தொழில் முனைவோா், ஈரோடு ஜவுளி தொழில் சாா்ந்த கூட்டமைப்புகளின் பிரதிநிதிகள், துறை அலுவலா்கள் பங்கேற்றனா்.