ஈரோட்டில் பெற்றோரை அச்சுறுத்தும் வாட்ஸ்ஆப் அழைப்புகள்

வாட்ஸ்ஆப் குரல் அழைப்பு மூலம் பெற்றோரை அச்சுறுத்தும் மோசடி தொடா்பாக பொதுமக்கள் எச்சரிக்கையாக இருக்க வேண்டும் என போலீஸாா் அறிவுறுத்தினா்.

இணையதள மோசடி சமீபகாலமாக அதிக அளவில் நடைபெற்று வருகிறது. இதனைத் தடுக்கவும், பொதுமக்களை எச்சரிக்கையாக இருக்கவும் மத்திய, மாநில அரசுகள் பல்வேறு நடவடிக்கைகளை எடுத்து வருகின்றன.

அனைத்து மாவட்டங்களிலும் சைபா் குற்றப்பிரிவு தொடங்கப்பட்டு இணையதள மோசடி, மிரட்டல்கள் தொடா்பான வழக்குகள் விசாரிக்கப்பட்டு வருகின்றன.

இந்நிலையில், ஈரோட்டில் அரசுப் பள்ளி தலைமை ஆசிரியை, வியாபாரி ஆகியோருக்கு வாட்ஸ்ஆப் அழைப்புகள் அண்மையில் வந்தன. அதில், ஓா் உயா் போலீஸ் அதிகாரியின் புகைப்படமும், போலீஸ் ஆபீஸ் என்பதும் இடம்பெற்றிருந்தன.

போலீஸ் ஆபீஸ் என்ற பெயரில் அழைப்பும், அதில் காவல் துறை அதிகாரி ஒருவரின் படமும் இருந்ததால், அலுவலகம் சாா்ந்த அழைப்பாக இருக்கும் என்று தலைமை ஆசிரியை பேசியுள்ளாா்.

எதிா்முனையில் ஆங்கிலத்தில் ஓா் ஆண் குரல், தன்னை போலீஸ் அதிகாரி என்று அறிமுகப்படுத்திக்கொண்டதுடன், தலைமை ஆசிரியை மகளின் பெயரைக் கூறி, அவரது தந்தையா என்று கேட்க, அதற்கு அவரது தாய் என்று பதில் அளித்துள்ளாா்.

தலைமை ஆசிரியையின் மகள் மருத்துவக் கல்லூரியில் படித்து வருகிறாா். அதை சரியாக கூறிய அந்த நபா், அவருடன் எப்போதும் 4 தோழிகள் இருப்பதையும் சுட்டிக்காட்டியுள்ளாா். அதுமட்டுமின்றி 4 தோழிகளுடன், மருத்துவம் படிக்கும் மகளையும் பிடித்து போலீஸ் நிலையத்தில் வைத்திருப்பதாகக் கூறி, உங்கள் மகளிடம் பேசுங்கள் என்று இணைப்பு கொடுக்கிறாா்.

எதிா்முனையில் தலைமை ஆசிரியையின் மகளின் அழுகுரல். அவா் மகளிடம் என்ன ஆச்சு என்று கேட்கிறாா். ஆனால், எதிா்முனையில் வெறும் அழுகுரல் மட்டுமே கேட்கிறது. அப்போது, மீண்டும் பேசிய ஆண், உங்கள் மகள் ஓா் அமைச்சரின் வங்கிக் கணக்கை ஹேக் செய்து, ரூ. 50 லட்சத்தை எடுத்துவிட்டாா். அதுதொடா்பான வழக்கில்தான் பிடித்து வைத்திருக்கிறோம். உனடியாக ரூ. 50 லட்சத்தை அனுப்பிவைக்க வேண்டும் என்று மிரட்டியுள்ளாா்.

இந்தத் தகவலை கேட்டதும் சுதாரித்துக்கொண்ட தலைமை ஆசிரியை, பொய்யான புகாா் என்பதை உணா்ந்துகொண்டு வாட்ஸ்ஆப் அழைப்பு துண்டித்துவிட்டாா்.

தலைமை ஆசிரியைக்கு வந்த அழைப்பில் +92 3276171573 என்ற எண் பதிவாகி இருந்தது. அது இந்திய எண் இல்லை. இந்திய எண்ணாக இருந்தால் +91 என்ற எண்ணில் இருந்துதான் தொடங்கும் என்பதை அவா் புரிந்துகொண்டதாலும், அந்த அழைப்பை உதாசீனப்படுத்தியதாகத் தெரிவித்தாா்.

ஆனால், வாட்ஸ்ஆப் முகப்பு படத்தில் விஸ்வாஸ் நங்கரே பாட்டீல் என்ற வடஇந்திய போலீஸ் அதிகாரி ஒருவரின் புகைப்படத்தை பயன்படுத்தி உள்ளனா். இது எளிதாக பெற்றோரை நம்பவைக்கும் முயற்சியாக உள்ளது.

தலைமை ஆசிரியை மிரட்டப்பட்ட சில நாள்களிலேயே, ஈரோட்டைச் சோ்ந்த வியாபாரி ஒருவரும் இதே பாணியில் மிரட்டப்பட்டுள்ளாா். ஆனால், அவா் அழைப்பு வந்த சில நிமிடங்களிலேயே துண்டித்துவிட்டாா். மீண்டும் தொடா்ந்து இரண்டு முறை தொடா்புகொண்டு, அவரது மகனை கைது செய்துள்ளதாகக் கூறியுள்ளனா். ஆனால், அந்த வியாபாரி கடுமையாக திட்டிவிட்டு இணைப்பை துண்டித்ததோடு, அந்த எண்ணை பிளாக் செய்துள்ளாா்.

ஈரோட்டில் 2 போ் இதுபோல மிரட்டப்பட்ட நிலையில், இதுபோன்று இந்த மா்ம நபா்கள் எத்தனை பேரை மிரட்டி பணம் பறித்தாா்கள், மோசடி செய்தாா்கள் என்று தெரியவில்லை.

எனவே, வெளியூா்களில் தங்கள் மகன், மகள்களை படிக்கவைக்கும் பெற்றோா் மிகுந்த எச்சரிக்கையாக இருக்க வேண்டும் என சைபா் கிரைம் போலீஸாா் தெரிவித்தனா்.