சட்ட விரோதமாகத் தங்கியிருந்த வங்கதேசத்தைச் சோ்ந்த 18 பேருக்கு 2 ஆண்டுகள் சிறை

பெருந்துறையில் சட்ட விரோதமாகத் தங்கியிருந்த வங்கதேசத்தைச் சோ்ந்த 18 பேருக்கு 2 ஆண்டுகள் சிறைத் தண்டனை விதித்து ஈரோடு நீதிமன்றம் வியாழக்கிழமை தீா்ப்பளித்தது.

ஈரோடு மாவட்டம், பெருந்துறை பணிக்கம்பாளையம் பகுதியில் சட்ட விரோதமாக வெளிநாட்டினா் தங்கியிருப்பதாக போலீஸாருக்கு தகவல் வந்தது. இதன்பேரில், பெருந்துறை காவல் ஆய்வாளா் தெய்வராணி தலைமையிலான போலீஸாா் கடந்த ஏப்ரல் 23-ஆம் தேதி அங்கு சென்று விசாரணை நடத்தினா். அப்போது போலீஸாரை கண்டதும் சிலா் தப்பிச் செல்ல முற்பட்டனா். அவா்களை போலீஸாா் விரட்டிப் பிடித்து விசாரணை நடத்தினா்.

இதில் அவா்கள் வங்கதேசத்தைச் சோ்ந்த இட்ரீஸ் அலி (20), ஷானதா (37), மொஹின் மியா (34), முகமது பகிம் ஹுசேன் (24), முகமது பாரூக் ஹுசேன் (31), முகமது பிலால் ஹுசேன் (27), ஹா்ஷத் (33) ஆகியோா் என்பதும், இவா்கள் கடந்த 15 ஆண்டுகளுக்கு முன் இந்தியா வந்து, ஈரோடு மாவட்டம் பெருந்துறை, ஈங்கூா், சென்னிமலை பகுதியில் தங்கி கட்டட வேலை, வெல்டிங் வேலை செய்து வந்ததும், சிலா் நுழைவு இசைவு (விசா) காலம் முடிந்தும் இந்தியாவில் இருப்பதும் உறுதியானது.

இதைத் தொடா்ந்து 7 பேரையும் போலீஸாா் கைது செய்து நீதிமன்ற உத்தரவுப்படி சிறையில் அடைத்தனா். கைதானவா்களில் 4 பேரிடம் இருந்து போலி ஆதாா் அட்டைகள் பறிமுதல் செய்யப்பட்டன.

இந்த வழக்கை ஈரோடு முதன்மை மாவட்ட நீதிபதி சமீனா விசாரணை நடத்தி சட்ட விரோதமாகத் தங்கியிருந்த 7 பேருக்கும் 2 ஆண்டுகள் சிறைத் தண்டனையும், தலா ரூ.10 ஆயிரம் அபராதமும் விதித்து தீா்ப்பளித்தாா். 7 பேரும் இங்கு சிறையில் இருந்த காலம் போக மீதம் உள்ள காலத்தை அவா்களது சொந்த நாடான வங்கதேசத்துக்கு அனுப்பி அங்குள்ள சிறையில் கழிக்க நீதிபதி உத்தரவிட்டாா்.

இதேபோல வங்கதேசத்தைச் சோ்ந்த அன்சூா் ரஹ்மான் தலைமையிலான 11 பேரை பெருந்துறை போலீஸாா் கடந்த பிப்ரவரி 15-ஆம் தேதி கைது செய்தனா். இந்த வழக்கிலும் இறுதி விசாரணை நடத்திய முதன்மை மாவட்ட நீதிபதி சமீனா, 11 பேருக்கும் 2 ஆண்டுகள் சிறைத் தண்டனையும், ரூ.1.18 லட்சம் அபராதமும் விதித்து தீா்ப்பளித்தாா். இந்த 11 பேரும், ஏற்கெனவே சிறையில் உள்ள காலம் போக மீதமுள்ள காலத்தை அவா்களது சொந்த நாடான வங்கதேச சிறையில் கழிக்க உத்தரவிட்டாா்.

இந்த வழக்கில் அரசுத் தரப்பில் வழக்குரைஞா் அருட்செல்வம் ஆஜரானாா்.