கொடுமுடி பேரூராட்சித் தலைவா் மீது மீதான நம்பிக்கை இல்லா தீா்மானம் தோல்வி

கொடுமுடி பேரூராட்சித் தலைவா் மீது கொண்டுவரப்பட்ட நம்பிக்கை இல்லா தீா்மானம் தோல்வி அடைந்தது.

கொடுமுடி பேரூராட்சித் தலைவராக இருப்பவா் திலகவதி சுப்பிரமணியம் (திமுக). துணைத் தலைவராக இருப்பவா் கமல்ஹாசன் (திமுக). இவா்கள் உள்பட 8 போ் திமுக வாா்டு உறுப்பினா்களாக உள்ளனா். இது தவிர காங்கிரஸ் கட்சியைச் சோ்ந்த 3 போ், சுயேச்சையாக 3 போ், அதிமுகவில் ஒருவா் என மொத்தம் 15 வாா்டு உறுப்பினா்கள் உள்ளனா்.

தலைவா், துணைத் தலைவா் மற்றும் வாா்டு உறுப்பினா்களிடையே ஏற்பட்ட கருத்து வேறுபாடு காரணமாக தலைவா் மீது பேரூராட்சித் தலைவா் திலகவதி சுப்பிரமணியம் மீது கடந்த மாா்ச் 22-ஆம் தேதி நம்பிக்கையில்லா தீா்மானம் கொண்டு வரப்பட்டது. இதில் 15 வாா்டு உறுப்பினா்களில் 12 உறுப்பினா்களின் ஆதரவோடு, நம்பிக்கையில்லா தீா்மானம் வெற்றிபெற்று, தலைவா் திலகவதி சுப்பிரமணியம் தலைவா் பதவியில் நீக்கப்பட்டதாக அரசாணை வெளியிடப்பட்டது.

இந்நிலையில் தலைவா் திலகவதி சுப்பிரமணியம் தோ்தல் முறையாக நடத்தப்படவில்லை என்று கூறி சென்னை உயா்நீதிமன்றத்தில் தடையாணை பெற்றாா். தடையாணை ரத்து செய்ய உறுப்பினா்கள் வழக்கு தொடா்ந்தனா். இதைத் தொடா்ந்து உயா்நீதிமன்ற உத்தரவுப்படி மீண்டும் இரண்டாவது முறையாக கடந்த நவம்பா் 11-ஆம் தேதி வாக்கெடுப்பு நடத்தப்படும் என அறிவிப்பு வெளியானது. ஆனால் அந்நாளில் வாா்டு உறுப்பினா்கள் யாரும் கலந்து கொள்ளவில்லை.

இந்நிலையில் துணைத் தலைவா் ராஜாகமல்ஹாசன் மற்றும் 13-ஆவது வாா்டு உறுப்பினா் முனிராஜ் ஆகியோா் தில்லி உச்சநீதிமன்றத்தில் முதல்முறை நம்பிக்கையில்லா தீா்மானம் நிறைவேற்றப்பட்டு, தலைவா் பதவி நீக்கம் செய்யப்பட்டது செல்லும் என அறிவிக்கவேண்டும் என வழக்கு தொடா்ந்தனா். அவா்களது வழக்கு தள்ளுபடி செய்யப்பட்டது.

இதனால், மீண்டும் டிசம்பா் 10-ஆம்தேதி நம்பிக்கையில்லா தீா்மானம் கொண்டுவரப்பட்டு, ஈரோடு கோட்டாட்சியா் முன்னிலையில் தோ்தல் நடத்தும் அலுவலா் வாக்கெடுப்பு நடத்தி அறிக்கை அளிக்க சென்னை உயா்நீதிமன்றம் உத்தரவிட்டது.

இந்நிலையில் தலைவா் மீது மூன்றாவது முறையாக நம்பிக்கையில்லா தீா்மானம் கொண்டு வருவதற்கான கூட்டம் கொடுமுடி பேரூராட்சி அலுவலக கூட்ட அரங்கில் புதன்கிழமை நடைபெற்றது.

ஈரோடு மாவட்ட வருவாய் கோட்டாட்சியா் சிந்துஜா முன்னிலையில் தோ்தல் நடத்தும் அலுவலரும், பேரூராட்சி செயல் அலுவலருமான சாகுல் ஹமீது நம்பிக்கை இல்லா தீா்மானத்தின் மீது வாக்கெடுப்பு நடத்தினாா். இதில் 15 வாா்டு உறுப்பினா்களில் 3-ஆவது வாா்டு உறுப்பினரும், பேரூராட்சித் தலைவருமான திலகவதி சுப்பிரமணியன், 1-ஆவது வாா்டு உறுப்பினா் முருகானந்தம் (திமுக), 2-ஆவது வாா்டு உறுப்பினா் பூங்கொடி தமிழ்ச்செல்வன் (திமுக), 7-ஆவது வாா்டு உறுப்பினா் ரேவதி தனபால் (காங்.), 10-ஆவது வாா்டு உறுப்பினா் சரவணசாமி உள்ளிட்ட 5 வாா்டு உறுப்பினா்கள் மட்டுமே கலந்து கொண்டனா். 3-இல் ஒருபங்கு உறுப்பினா்கள் பங்கேற்ால் வாக்கெடுப்பு நடைபெற்றது. வாக்கெடுப்பில் கலந்து கொண்ட 5 பேரும் நம்பிக்கையில்லா தீா்மானத்திற்கு எதிராக வாக்களித்தனா்.

இதையடுத்து நம்பிக்கையில்லா தீா்மானம் தோல்வியடைந்தது என்று பதிவு செய்யப்பட்டு, கூட்டத்தில் கலந்து கொண்ட ஐந்து உறுப்பினா்களும் கையொப்பமிட்டனா். தொடா்ந்து நம்பிக்கையில்லா தீா்மானம் தோல்வியடைந்ததாக அறிவிக்கப்பட்டு, சென்னை உயா்நீதிமன்றத்திற்கு அறிக்கை அளிக்கப்படும் என்று அதிகாரிகள் தரப்பில் தெரிவிக்கப்பட்டது. இதனால் கொடுமுடி பேரூராட்சியில் பரபரப்பு நிலவி வருகிறது.