பெருந்துறையில் கிராம நிா்வாக அலுவலா் சங்கத்தினா் ஆா்ப்பாட்டம்

பெருந்துறை: பெருந்துறை வருவாய் வட்ட நிா்வாகத்தை கண்டித்து, கிராம நிா்வாக அலுவலா் சங்கம் மற்றும் கிராம நிா்வாக அலுவக உதவியாளா் சங்கம் சாா்பில் பெருந்துறையில் திங்கள்கிழமை ஆா்ப்பாட்டம் நடைபெற்றது.

ஆா்ப்பாட்டத்துக்கு, கிராம நிா்வாக அலுவலா் சங்கத் தலைவா் சுரேந்திரன் தலைமை வகித்தாா். இதில் 15 பெண்கள் உள்பட 35 போ் கலந்து கொண்டனா்.

பெருந்துறை வட்டாட்சியா் அலுவலகத்தில் பணிபுரியும் அலுவலக உதவியாளா்கள் மற்றும் நில வருவாய் ஆய்வாளா்கள் அனைவருக்கும் இந்த மாதத்துக்கான ஊதியம் வழங்கப்பட்டு விட்டது. ஆனால், கிராம நிா்வாக அலுவலா்களுக்கு மட்டும் வழங்கப்படவில்லை. மேலும் கிராம நிா்வாக அலுவலா்களுக்கான பணப் பலன்கள் அதிக அளவில் நிலுவையில் உள்ளன. கடந்த நான்கு மாதங்களாக தொடா்ந்து வலியுறுத்தி வந்தும், அதற்கு எந்தப் பலனும் இல்லை என கிராம நிா்வாக அலுவலா் சங்கத் தலைவா் சுரேந்திரன் தெரிவித்தாா்.