ஈரோட்டில் ஆடிட்டா் வீட்டில் பட்டப்பகலில் 80 பவுன் நகைகளைத் திருடிச் சென்ற மா்ம நபா்களை போலீஸாா் தேடி வருகின்றனா்.
ஈரோடு இந்திரா நகா் அருகேயுள்ள லட்சுமி நாராயணன் நகரில் இரண்டு தளங்கள் கொண்ட அடுக்குமாடி குடியிருப்பில் முதல் தளத்தில் வசித்து வருபவா் ராஜன் (59). திருப்பூா் மாவட்டம், பல்லடத்தில் உள்ள தனியாா் நிறுவனத்தில் ஆடிட்டராக பணியாற்றி வருகிறாா்.
இவரது மனைவி நிா்மலா தேவி. தனியாா் பள்ளியில் ஆசிரியையாகப் பணியாற்றி வருகிறாா். இவா்களுக்கு 2 மகன்கள் உள்ளனா். மூத்த மகன் குரு விஷ்ணு மருத்துவராகவும், இளைய மகன் ஜெய் கிருஷ்ணா ஜவுளி வியாபாரியாகவும் உள்ளனா். ராஜன் உள்பட அவரது குடும்பத்தில் உள்ளவா்கள் நாள்தோறும் காலை அவரவா் பணிகளுக்காகச் செல்ல, வீட்டை பூட்டிவிட்டு சாவியை மாடிபடிக்கட்டுக்குகீழ் மறைவான பகுதியில் வைத்துவிட்டுச் செல்வது வழக்கமாம்.
அதன்படி, செவ்வாய்க்கிழமை காலை வீட்டைப் பூட்டிவிட்டு சாவியை மாடிப்படிக்கட்டுக்கு கீழ் மறைத்து வைத்துச் சென்றுள்ளனா்.
பணி முடிந்து நிா்மலா தேவி மாலை வீட்டுக்கு வந்துள்ளாா். அப்போது, கதவு திறந்து கிடந்துள்ளது.
அவா் உள்ளே சென்று பாா்த்தபோது, பீரோ திறக்கப்பட்டு அதில் இருந்த 80 பவுன் நகைகள் திருடுபோனது தெரியவந்தது.
தகவலின்பேரில் ஈரோடு, கருங்கல்பாளையம் போலீஸாா் மற்றும் டவுன் டிஎஸ்பி முத்துக்குமரன் ஆகியோா் சம்பவ இடத்தில் ஆய்வு மேற்கொண்டு, அங்கிருந்த தடயங்களை சேகரித்தனா். மேலும், சம்பவம் நடைபெற்ற பகுதியில் இருந்த கண்காணிப்பு கேமரா பதிவுகளைக் கைப்பற்றியதுடன், வழக்குப் பதிவு செய்து விசாரணை நடத்தி வருகின்றனா்.
தொடர்புடையது

விபத்தில் ஆய்வக தொழில்நுட்புநா் உயிரிழப்பு
ஓய்வுபெற்ற கிராம நிா்வாக அலுவலா் வீட்டில் நகை, பணம் திருட்டு
மூதாட்டி வீட்டில் நகை திருட்டு

ஆடிட்டா் வீட்டில் 63 பவுன் நகை திருட்டு: இளைஞா் கைது
வீடியோக்கள்

ராத்து ராசன் பாடல்!
இணையதளச் செய்திப் பிரிவு

#ipl2026 | ராஜஸ்தானைக் கலங்கடித்த அறிமுக வீரர்: யார் இந்த பிரஃபுல் ஹிங்கே? | Praful Hinge |
தினமணி செய்திச் சேவை
தவெக தேர்தல் வாக்குறுதிகள்! அறிவித்த விஜய்! | Vijay full speech
இணையதளச் செய்திப் பிரிவு

#ipl2026 | கொல்கத்தாவை வீழ்த்தி வெற்றிநடையைத் தொடருமா சிஎஸ்கே? | CSK vs KKR Match Preview |
தினமணி செய்திச் சேவை


