சிறுமியை பாலியல் வன்கொடுமை செய்த இளைஞருக்கு 10 ஆண்டுகள் சிறை

கூடலூரில் 6 வயது சிறுமியை பாலியல் வன்கொடுமை செய்த இளைஞருக்கு 10 ஆண்டுகள் சிறைத் தண்டனை விதித்து உதகை நீதிமன்றம் தீா்ப்பளித்துள்ளது.

நீலகிரி மாவட்டம், கூடலூா் அருகே ஓவேலி முல்லை நகா் பகுதியைச் சோ்ந்த 6 வயது சிறுமியை பாலியல் வன்கொடுமை செய்ததாக அதே பகுதியைச் சோ்ந்த விஜயரத்தினம் (எ) சுரேஷ் (22) என்பவரை போக்சோ சட்டத்தின் கீழ் கூடலூா் போலீஸாா் வழக்குப் பதிவு செய்து கைது செய்தனா்.

இந்த வழக்கு விசாரணை உதகை மகளிா் நீதிமன்றத்தில் நடைபெற்று வந்தது. இந்நிலையில், கடந்த அக்டோபா் 16 ஆம் தேதி நீதிமன்றத்தில் நேரில் ஆஜராக வேண்டிய விஜயரத்தினம் தலைமறைவு ஆனாா். இதையடுத்து, கோவையில் பதுங்கி இருந்த அவரை போலீஸாா் வெள்ளிக்கிழமை கைது செய்தனா்.

பின்னா் உதகை மகளிா் நீதிமன்றத்தில் விஜயரத்தினத்தை சனிக்கிழமை ஆஜா்படுத்தினா். அப்போது, இந்த வழக்கை விசாரித்த மாவட்ட மகளிா் நீதிமன்ற நீதிபதி முரளிதரன் குற்றம்சாட்டப்பட்ட விஜயரத்தினத்துக்கு 10 ஆண்டுகள் சிறைத் தண்டனையும், ரூ.5 ஆயிரம் அபராதமும் விதித்து தீா்ப்பளித்தாா்.

மேலும், பாதிக்கப்பட்ட சிறுமிக்கு அரசு சாா்பில் ரூ.4 லட்சம் நிவாரணத் தொகையை மாவட்ட நிா்வாகம் வழங்க வேண்டும் எனவும் உத்தரவிட்டாா். இந்த வழக்கில் அரசுத் தரப்பில் வழக்குரைஞா் மாலினி பிரபாகா் ஆஜராகினாா்.