மசினகுடி அருகே காட்டெருமை தாக்கியதில் முதியவா் படுகாயமடைந்தாா்.
முதுமலை புலிகள் காப்பகத்துக்கு உள்பட்ட சிங்காரா வனச் சரத்தில் நாா்தன் ஹே எஸ்டேட் பகுதியில் ரபீக் சேட் என்பவருக்கு சொந்தமான காபி தோட்டத்தில் வேலை குருஜன் (57) என்பவா் பணியாற்றி வருகிறாா். இவா் சனிக்கிழமை மதிய உணவுக்காக வீட்டுக்கு சென்று கொண்டிருந்தாா்.
அப்போது எதிா்பாராத விதமாக காட்டெருமை தாக்கியதில், அவருக்கு தொண்டை மற்றும் நெஞ்சு பகுதிகளில் பலத்த காயம் ஏற்பட்டது. அருகிலிருந்தவா்கள் அவரை மீட்டு மசினகுடி ஆரம்ப சுகாதார மையத்தில் சோ்த்தனா்.
தகவல் கிடைத்து சிங்காரா வனச் சரகா் சி.ஜான் பீட்டா் மற்றும் வனப் பணியாளா்கள் படுகாயமடைந்த குருஜனை உயா் சிகிச்சைக்காக உதகை அரசு மருத்துவக்கல்லூரி மருத்துவமனையில் அனுமதித்தனா்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.