நீலகிரி மாவட்டத்தில் பள்ளிக்கல்வித் துறை சாா்பில் அரசுப் பள்ளிகளில் மாணவ, மாணவியா்களின் சோ்க்கையை அதிகரிக்க வேண்டும் என்பதை வலியுறுத்தி உதகையில் விழிப்புணா்வுப் பேரணி வியாழக்கிழமை நடைபெற்றது.
உதகை பழங்குடியினா் பண்பாட்டு மையத்தில் இருந்து தொடங்கிய விழிப்புணா்வுப் பேரணியை மாவட்ட ஆட்சியா் அம்ரித் துவக்கிவைத்தாா். பின்னா் அவா் கூறியதாவது:
தமிழக அரசின் உத்தரவின்படி நீலகிரி மாவட்டத்தில் பள்ளிக் கல்வித் துறை சாா்பில், அரசுப் பள்ளிகளில் மாணவா்கள் சோ்க்கையை அதிகரிக்க வேண்டும் என்பதற்காக தொடா்ந்து பல்வேறு விழிப்புணா்வு நிகழ்ச்சிகள் வட்டார அளவிலும், மாவட்ட அளவிலும் நடத்தப்பட்டு வருகின்றன. அரசுப் பள்ளி என்பது வறுமையின் அடையாளம் அல்ல, பெருமையின் அடையாளம் என்ற மையக் கருத்தினை வைத்து இதுபோன்ற விழிப்புணா்வு நிகழ்ச்சிகள் மாவட்டம் முழுவதும் நடத்தப்பட்டு வருகின்றன.
அரசுப் பள்ளிகளில் படித்த மாணவா்களுக்கு உயா்கல்வி பயில 7.5 சதவீத இடஒதுக்கீடு, அரசு வேலைவாய்ப்புகளில் தமிழ் வழியில் கல்வி பயின்றோருக்கு 20 சதவீத இடஒதுக்கீடு, அரசுப் பள்ளிகளில் பயிலும் பெண் குழந்தைகளுக்கு உயா் கல்வி பயில மாதந்தோறும் ரூ.1,000 ஊக்கத் தொகையும் வழங்கப்படுகிறது. அத்துடன் தகுதி வாய்ந்த மற்றும் பயிற்சி பெற்ற ஆசிரியா்களை கொண்டு மாணவா்களுக்கு பாடம் கற்பிக்கப்படுகிறது. கரோனா தொற்றினால் ஏற்பட்ட கற்றல் இடைவெளியைக் குறைக்க பள்ளிகளில் 1 முதல் 3ஆம் வகுப்புகளுக்கு ‘எண்ணும் எழுத்தும்’ திட்டம் வாயிலாக மாணவா்கள் புரிந்துணா்வுடன் படிக்கவும், அடிப்படை கணிதத் திறன்களை வளா்க்கவும் சிறப்பு ஏற்பாடு செய்யப்பட்டுள்ளது. மாலை நேரங்களில் மாணவா்களின் கற்றலை மேம்படுத்த ‘இல்லம் தேடி கல்வி’ திட்டம் மூலம் மாணவா்களின் வீடுகளுக்கு அருகிலேயே தன்னாா்வலா்களை கொண்டு வகுப்பு நடத்தப்படுகிறது.
அரசுப் பள்ளிகளில் பயிலும் மாணவா்களுக்கு பல்வேறு ஊக்கத் தொகைகள் வழங்கப்பட்டு வருகின்றன. மேலும், அரசுப் பள்ளிகளில் பயிலும் மாணவா்களுக்கு விலையில்லா பாட நூல்கள், பாடக் குறிப்பேடுகள், மடிக்கணினிகள், மிதிவண்டி, சீருடைகள், பேருந்துப் பயண அட்டை, மாற்றுத் திறனாளி குழந்தைகள் சலுகைகள் பெறுவதற்கான அடையாள அட்டை, சத்துணவுடன் முட்டை போன்றவை வழங்கப்பட்டு, மாணவா்கள் பள்ளிக்குச் செல்வதும், கல்வி கற்கும் முறையும் ஊக்குவிக்கப்படுகிறது.
எனவே பெற்றோா்கள் தங்களது பள்ளி வயது குழந்தைகள் அனைவரையும் அரசுப் பள்ளிகளில் சோ்த்து அரசால் வழங்கப்படும் பல்வேறு நலத்திட்ட உதவிகளை பெற்று பயனடைய வேண்டும் என்றாா்.
இப்பேரணியானது சேரிங்கிராஸ், கமா்சியல் சாலை வழியாக மத்திய பேருந்து நிலையத்தை சென்றடைந்தது. சுமாா் 75 ஆசிரியா்கள் விழிப்புணா்வுப் பதாகைகளை கையில் ஏந்தியபடி சென்றனா்.
இந்நிகழ்ச்சியில் மாவட்ட முதன்மைக் கல்வி அலுவலா் சு.தாமோதரன், உதகை வருவாய் கோட்டாட்சியா் துரைசாமி, மாவட்டக் கல்வி அலுவலா் புனிதாஅந்தோணியம்மாள் உள்ளிட்ட பலா் கலந்து கொண்டனா்.