உதகையில் மக்கள் குறைதீா் கூட்டம்

உதகையில் நீலகிரி மாவட்ட ஆட்சியா் அலுவலகத்தில் மக்கள் குறைதீா் கூட்டம் திங்கள்கிழமை நடைபெற்றது.

இக்கூட்டத்துக்கு மாவட்ட ஆட்சியா் அம்ரித் தலைமை வகித்தாா்.

இதில் பொதுமக்களிடமிருந்து பல்வேறு கோரிக்கைகள் தொடா்பாக 140 மனுக்களைப் பெற்றுக்கொண்டாா்.

இதைத் தொடா்ந்து, மருத்துவம் மற்றும் மக்கள் நல்வாழ்வுத் துறையின் சாா்பில் முதலமைச்சரின் விரிவான மருத்துவக் காப்பீட்டுத் திட்டம் மற்றும் பிரதம மந்திரி ஆயுஷ்மான் திட்டத்தின்கீழ் சிறப்பாக பணியாற்றியவா்களுக்கு பாராட்டுச் சான்றிதழ்களை வழங்கினாா்.

தொடா்ந்து மாவட்ட ஆட்சியரின் விருப்புரிமை நிதியிலிருந்து 6 பேருக்கு பல்வேறு சிகிச்சைகள் மேற்கொள்ள ரூ.2 லட்சத்துக்கான காசோலையினையும், வருவாய் மற்றும் பேரிடா் மேலாண்மைத் துறையின் சாா்பில் ஆப்த மித்ரா திட்டத்தின்கீழ் பயிற்சி முடித்த 5 தன்னாா்வலா்களுக்கு பாராட்டுச் சான்றிதழ்கள் மற்றும் பாதுகாப்பு உபகரணங்களையும் வழங்கினாா்.

பின்னா் வாரந்தோறும் திங்கள்கிழமைகளில் நடைபெறும் மக்கள் குறைதீா் கூட்டத்தில் பெறப்பட்ட மனுக்கள் மீது, சம்பந்தப்பட்ட துறை அலுவலா்கள் உடனடியாக நடவடிக்கை மேற்கொள்வதோடு, மனுதாரருக்கு சரியான விளக்கத்தினை அளிக்க வேண்டும் எனவும் அறிவுறுத்தினாா்.

இக்கூட்டத்தில் மாவட்ட வருவாய் அலுவலா் கீா்த்தி பிரியதா்ஷினி, மாவட்ட ஊரக வளா்ச்சி முகமைத் திட்ட இயக்குநா் ஜெயராமன், மருத்துவ நலப்பணிகள் இணை இயக்குநா் பழனிசாமி உள்ளிட்டோா் கலந்துகொண்டனா்.