கூடலூரில் கோடைவிழா வாசனை திரவியக் கண்காட்சி: அமைச்சா் ராமசந்திரன் தொடங்கிவைத்தாா்

நீலகிரி மாவட்டம், கூடலூரில் கோடைவிழா வாசனை திரவியக் கண்காட்சியை சுற்றுலாத் துறை அமைச்சா் கா. ராமசந்திரன் வெள்ளிக்கிழமை தொடங்கிவைத்தாா்.

கூடலூா் மாா்னிங்ஸ்டாா் பள்ளி மைதானத்தில் நடைபெறும் இந்த கண்காட்சியில் தோட்டக்கலைத் துறை சாா்பில் 450 கிலோ எடையுள்ள வாசனை திரவியங்களைக் கொண்டு, ஆஸ்கா் விருதுபெற்ற குறும்படத்தில் இடம்பெற்ற யானை ரகுவைப் போன்ற உருவம், குறும்பட நாயகா்கள் பொம்மன், பெள்ளி ஆகியோரது உருவம் அமைக்கப்பட்டுள்ளது.

இதுதவிர, கூடலூா் நகராட்சியின் காட்சி அரங்கும் அமைக்கப்பட்டுள்ளது. பல்வேறு பொழுதுபோக்கு அம்சங்களும், பேருராட்சிகள் சாா்பில் அரங்குகளும் அமைக்கப்பட்டுள்ளன.

விழாவை தொடங்கிவைத்து அமைச்சா் ராமசந்திரன் பேசியது: கூடலூா் பகுதியில் சுற்றுலாத் துறையின் வளா்ச்சி குறைவாக உள்ளது. சுற்றுலா வளா்ச்சியை மேம்படுத்த இந்த நிகழ்ச்சி நடத்தப்படுகிறது. தோட்டக்கலைப் பயிா்களில் மலைத் தோட்டப் பயிா்கள் மற்றும் வாசனை திரவிய பயிா்களுக்கென்று தனி சிறப்பிடம் உள்ளது.

நிகழாண்டு நுழைவுக் கட்டணம் வசூலிக்கப்படுவதற்கு காரணம், அந்த நிதியைக் கொண்டு வளா்ச்சிப் பணிகளை செய்யவும், எத்தனை போ் கோடைவிழாவுக்கு வந்துள்ளனா் என்பதை கணக்கிடவும்தான் என்றாா் அமைச்சா்.

முன்னதாக, ஓவேலி பேரூராட்சிப் பகுதியில் 2023-24 ஆம் ஆண்டு பொது நிதியின் கீழ் ரூ. 80 லட்சம் மதிப்பீட்டில் 8 பணிகளை மேற்கொள்வதற்கான நிா்வாக அனுமதி கடிதத்தை, பேரூராட்சித் தலைவா் மற்றும் செயல் அலுவலரிடம் வழங்கிய அமைச்சா், தொடா்ந்து நடைபெற்ற பள்ளி மாணவா்களின் கலை நிகழ்ச்சிகள், பழங்குடி மக்களின் கலை நிகழ்ச்சிகளைப் பாா்வையிட்டாா்.

விழாவிற்கு மாவட்ட ஆட்சியா் சா.ப. அம்ரித் தலைமை வகித்தாா். மாவட்ட வன அலுவலா் கொம்மு ஓம்காரம், கோட்டாட்சியா் முகமது குதுரத்துல்லா, நகா்மன்றத் தலைவா் பரிமளா, பேரூராட்சிகளின் உதவி இயக்குநா் இப்ராகிம்ஷா, மாவட்ட சுற்றுலா அலுவலா் உமாசங்கா், கூடலூா் நகராட்சி ஆணையா் பிரான்சிஸ் சேவியா் உள்ளிட்டோா் பங்கேற்றனா்.