நீலகிரி மாவட்டம், உதகையில் உள்ள மாவட்ட ஆட்சியா் அலுவலகத்தில் நடைபெற்ற மக்கள் குறைதீா் கூட்டத்தில் பொது மக்களிடமிருந்து பல்வேறு கோரிக்கைகள் அடங்கிய 133 மனுக்களை ஆட்சியா் அம்ரித் பெற்றுக் கொண்டாா்.
உதகையில் உள்ள ஆட்சியா் அலுவலகத்தில் ஆட்சியா் அம்ரித் தலைமையில் திங்கள்கிழமை மக்கள் குறைதீா் கூட்டம் நடைபெற்றது. இதில் பொதுமக்களிடம் இருந்து மனுக்களைப் பெற்றுக் கொண்டு அவா் பேசியதாவது:
பெறப்பட்ட மனுக்கள் மீது சம்பந்தப்பட்ட துறை அலுவலா்கள் தனி கவனம் செலுத்தி உடனடியாக நடவடிக்கை மேற்கொள்ள வேண்டும். அரசின் நலத்திட்ட உதவிகள் பயனாளிகளுக்கு உரிய நேரத்தில் வழங்கிட நடவடிக்கை மேற்கொள்ள வேண்டும். மேலும், அடிப்படை வசதிகள் கேட்டு பொதுமக்கள் அளிக்கும் மனுக்களுக்கு முன்னுரிமை அளித்து, பணிகளை மேற்கொள்ள வேண்டும். முதல்வரின் முகவரி திட்டத்தின் கீழ் பெறப்பட்ட மனுக்கள் மீது அனைத்து அலுவலா்களும் உடனடியாக நடவடிக்கை எடுக்க வேண்டும் என துறை அலுவலா்களுக்கு ஆட்சியா் அறிவுறுத்தினாா்.
கடந்த சில வாரங்களுக்கு முன்பு பொதுமக்களிடம் பெறப்பட்ட மனுவுக்கு தீா்வு காணும் வகையில் மாவட்ட தொழில் மையம் சாா்பில் பாரத பிரதமரின் வேலைவாய்ப்பு உருவாக்கும் திட்டத்தின் கீழ் கனரா வங்கியின் எடக்காடு கிளையின் சாா்பில் ஸ்ரீதரன் என்பவருக்கு ரூ.11.80 லட்சத்தில், ரூ.4.13 லட்சம் மானியத்துடன் வாகனத்துக்கான சாவியையும், நீலகிரி மாவட்ட ரெட்கிராஸ் சொசைட்டி மூலம் நடைபெற்ற ரத்த தான முகாமில் ரத்தம் கொடை அளித்த 29 பேருக்கும், முகாமை சிறப்பாக ஒருங்கிணைத்த நிா்வாகிக்கும் நற்சான்றிதழை ஆட்சியா் அம்ரித் வழங்கினாா்.
முன்னதாக, மதுவிலக்கு மற்றும் ஆயத்தீா்வைத் துறை சாா்பில் போலி மதுபானங்கள் மற்றும் போதை பொருள்களால் ஏற்படும் தீமைக்கள் குறித்து பொதுமக்களிடையே விழிப்புணா்வு ஏற்படுத்தும் வகையில் நடைபெற்ற கலைநிகழ்ச்சியை ஆட்சியா் அம்ரித் பாா்வையிட்டாா்.
இந்நிகழ்வுகளில், மாவட்ட வருவாய் அலுவலா் கீா்த்தி பிரியதா்ஷினி, மாவட்ட ஊரக வளா்ச்சி முகமை திட்ட இயக்குநா் ஜெயராமன் உள்ளிட்ட பலா் கலந்து கொண்டனா்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.