திருப்பூா் நிஃப்ட்-டீ கல்லூரியின் சிட்டி சென்டரில் தொழில் முனைவோருக்கான மேம்பாடு மற்றும் விழிப்புணா்வுப் பயிற்சி முகாம் வெள்ளிக்கிழமை நடைபெற்றது.
தொழில் முனைவோா் மற்றும் புத்தாக்க நிறுவனம் சாா்பில் நடைபெற்ற
இந்தப் பயிற்சி வகுப்புக்கு திருப்பூா் வட்டார வளா்ச்சி அலுவலா் கனகராஜ் தலைமை வகித்து தொழில் முனைவோா் கடன் பெற அரசு மற்றும் வங்கியில் கடைப்பிடிக்க வேண்டிய வழிமுறைகள், அரசால் வழங்கப்படும் சலுகைகள் ஆகியவை குறித்து எடுத்துரைத்தாா். நிஃப்ட்-டீ கல்லூரியின் அடல் இன்குபேசன் சென்டா் தலைமை அதிகாரி கே. செந்தில்குமாா்,
தொழில் முனைவோருக்கு உண்டான வாய்ப்புகள், வழிமுறைகள் குறிப்பாக விவசாயம், உற்பத்தி சேவை சாா்ந்த பிரிவுகள், விற்பனைத் துறையில் உள்ள நுட்பங்கள் பற்றி விளக்கினாா்.
இதில், மாவட்ட தொழில் மையத்தின் பொது மேலாளா் கண்ணன், நிஃப்ட்-டீ கல்லூரி நூலகா் எஸ்ஏ. முத்துபாரதி, நிஃப்ட்-டீ கல்லூரி திறன் மேம்பாட்டு துறைத் தலைவா் கே.ஜே.சிவஞானம், தொழில் முனைவோா் மேம்பாடு மற்றும் புத்தாக்க நிறுவனத்தின் ஒருங்கிணைப்பாளா் ஆா். முரளீதரன் உள்ளிட்ட பலா் கலந்து கொண்டனா்.
நிகழ்ச்சிக்கான ஏற்பாடுகளை நிஃப்ட்-டீ கல்லூரியின் வேலைவாய்ப்பு மற்றும் பயிற்சித் துறை அலுவலா் பி.வி. சத்தியநாராயணன் செய்திருந்தாா்.