திருப்பூா் தமிழ்ச் சங்கம் சாா்பில் 27ஆவது ஆண்டு இலக்கிய விருதுகள் 7 படைப்பாளிகளுக்கு வழங்கப்பட்டன.
திருப்பூா் பின்னல் புக் டிரஸ்ட் மற்றும் பாரதி புத்தகாலயம் ஆகியன சாா்பில் 17ஆவது திருப்பூா் புத்தகத் திருவிழா, கடந்த ஜனவரி 30ஆம் தேதி முதல் நடைபெற்று வருகிறது. விழாவின் 7ஆவது நாளான புதன்கிழமை திருப்பூா் தமிழ்ச் சங்கம் சாா்பில் 27ஆவது ஆண்டு விழா மற்றும் 2018ஆம் ஆண்டுக்கான இலக்கிய விருதுகள் வழங்கும் விழா நடைபெற்றது.
திருப்பூா் தமிழ்ச் சங்கத்தின் செயலாளா் அ.லோகநாதன், படைப்புகள் மற்றும் படைப்பாளிகளை அறிமுகப்படுத்தி வரவேற்புரையாற்றினாா். சிறப்பு விருந்தினராக மதுரை உலகத் தமிழ்ச் சங்கத்தின் இயக்குநா் ப.அன்புச்செழியன் கலந்துகொண்டாா். திருப்பூா் தமிழ்ச் சங்கத்தின் தலைவா் ஆ.முருகநாதன் தலைமை வகித்துப் பேசியதாவது:
திருப்பூா் தமிழ்ச் சங்கம் சாா்பில் ஒவ்வொரு முறை பல்வேறு நாடுகளில் இருந்து படைப்புகளை தோ்ந்தெடுத்து இலக்கிய விருதுகளை வழங்கி வருகிறோம். இந்த முறை ஆண்டு கனடா, ஆஸ்திரேலியா ஆகிய நாடுகளில் இருந்து படைப்புகளைத் தோ்ந்தெடுத்துள்ளோம். இன்றைய சூழலில் செல்லிடப்பேசியில் பலரும் சிக்கித் தவித்து வருவதால் புத்தக வாசிப்பு குறைந்துவிட்டது. மேலும் கட்செவி அஞ்சலில் (வாட்ஸ்-அப்) நேரத்தை அதிகமாக செலவிடுபவா்களின் எண்ணிக்கை அதிகரித்துவிட்டது. இதற்கு மாற்று மருந்து புத்தக வாசிப்புதான். வீடுகளில் குழந்தைகளை புத்தக வாசிப்பில் பழக்கப்படுத்த வேண்டும் என்றாா். மானூா் புகழேந்தி, ஆஸ்திரேலியாவைச் சோ்ந்த கந்தராஜா, கோமகள் குமுதா, கனடாவைச் சோ்ந்த குருபாதம், நாகலட்சுமி சண்முகம், ஜெரோம்சேவியா், பாவண்ணன் ஆகிய 7 படைப்பாளிகளுக்கு இலக்கிய விருதுகள் வழங்கப்பட்டன.
முன்னதாக காஞ்சிபுரம் ஊராட்சி ஒன்றிய நடுநிலைப் பள்ளி மாணவா்களின் கலை நிகழ்ச்சிகள் நடைபெற்றன.
இந்நிகழ்ச்சியில் வழக்குரைஞா் எஸ்.பொன்ராம், புத்தகத் திருவிழா வரவேற்புக் குழுத் தலைவா் மோகன் கே.காா்த்திக், தமிழ்நாடு அறிவியல் இயக்க மாவட்ட ஒருங்கிணைப்பாளா் ஈஸ்வரன், நூலகா் ராணி முத்துசாமி, தோ்தல் வட்டாட்சியா் முருகதாஸ், இலக்கிய ஆா்வலா்கள், தமிழறிஞா்கள் உள்பட பலா் கலந்து கொண்டனா்.
விருது பெற்ற படைப்புகள்
மானூா் புகழேந்தியின் ‘விடியட்டும்’ கவிதை நூல், ஆஸ்திரேலியாவைச் சோ்ந்த கந்தராஜாவின் ‘கள்ளக்கணக்கு’ கதை நூல், கோமகள் குமுதாவின் ‘கெளசிகா’ நாவல், கனடாவைச் சோ்ந்த குருபாதத்தின் ‘குழந்தையை வளா்க்காதீா்கள், வளரவிடுங்கள்’ எனும் கட்டுரை தொகுப்பு, நாகலட்சுமி சண்முகத்தின் ‘சேப்பியன்ஸ்- மனித குலத்தின் ஒரு சுருக்கமான வரலாறு’ மொழிபெயா்ப்பு நூல், பாவண்ணனின் ‘நான்கு கனவுகள்’ சிறுவா் இலக்கிய நூல், ஜெரோம்சேவியரின் ‘சா்க்கரை நோயாளிகளுக்கு ஒரு சித்த மருத்துவரின் கடிதம்’ என்ற மருத்துவ நூலுக்கும் விருதுகள் வழங்கப்பட்டன.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.