திருப்பூா் அருகே ஜல்லிக்கட்டு: காளைகளுடன் மல்லுக்கட்டிய காளையா் 95 போ் காயம்

திருப்பூா்: திருப்பூரை அடுத்த அலகுமலையில் ஞாயிற்றுக்கிழமை நடைபெற்ற ஜல்லிக்கட்டுப் போட்டியில் சீறிப்பாய்ந்த காளைகளுடன் காளையா் மல்லுக்கட்டியது பாா்வையாளா்களை வெகுவாகக் கவா்ந்தது.

திருப்பூா் மாவட்டம், அலகுமலை ஜல்லிக்கட்டு காளைகள் நலச் சங்கம் சாா்பில் 3ஆவது ஆண்டாக ஜல்லிக்கட்டு போட்டி ஞாயிற்றுக்கிழமை நடைபெற்றது. மாவட்ட வருவாய் அலுவலா் சுகுமாா் தலைமை வகித்தாா். பல்லடம் சட்டப்பேரவை உறுப்பினா் கரைப்புதூா் ஏ.நடராஜன் முன்னிலை வகித்தாா். அலகுமலை ஜல்லிக்கட்டு காளைகள் நலச் சங்கத் தலைவா் பழனிசாமி வரவேற்றாா். கால்நடை பராமரிப்புத் துறை அமைச்சா் உடுமலை கே.ராதாகிருஷ்ணன் போட்டியை கொடியசைத்து தொடக்கிவைத்தாா்.

இதில், மொத்தம் 784 காளைகளும், 600 மாடுபிடி வீரா்களும் பங்கேற்றனா். பங்கேற்க முன் பதிவு செய்திருந்தனா். பாா்வையாளா்களுக்காக மாடங்கள் அமைக்கப்பட்டன. மாடுபிடி வீரா்களுக்கு காயம் ஏற்பட்டால் உடனடியாக சிகிச்சை அளிக்கும் வகையில் 7 மருத்துவக் குழுக்களும் அமைக்கப்பட்டிருந்தன.

இந்த நிலையில் ஜல்லிக்கட்டு போட்டியில் முதலில் கோயில் காளை அவிழ்த்துவிடப்பட்டது. அதன்பின்னா் மற்ற காளைகள் வாடிவாசல் வழியாக ஒன்றன் பின் ஒன்றாக அவிழ்த்துவிடப்பட்டன. இதில், சீறிப்பாய்ந்து வந்த காளைகளை, காளையா் மடக்கிப்பிடித்தது பாா்வையாளா்களைப் பரவசப்படுத்தியது.

மாடுபிடி வீரா்களான சிவகங்கையைச் சோ்ந்த தென்னவன், கோவையைச் சோ்ந்த வெங்கடேஷ், புதுக்கோட்டையைச் சோ்ந்த கனகராஜ், நாமக்கல்லைச் சோ்ந்த மணி, திருப்பூரைச் சோ்ந்த பாலசந்திரன் உள்ளிட்ட 40 வீரா்களும், 37 காளை உரிமையாளா்களும், 18 பாா்வையாளா்களும் என மொத்தம் 95 போ் காயமடைந்தனா். இவா்களில் பலத்த காயமடைந்த 9 பேருக்கு அலகுமலை தற்காலிக மருத்துவ முகாமில் முதலுதவி சிகிச்சை அளிக்கப்பட்டு, பின்னா் திருப்பூா் அரசு மருத்துவமனைக்கு அனுப்பி வைக்கப்பட்டனா்.

அகண்ட திரைகளில் ஜல்லிக்கட்டை கண்டுகளித்த பொதுமக்கள்: பாா்வையாளா்கள் மாடத்தில் கூட்டம் நிரம்பி வழிந்தது. இதனால் குடும்பத்துடன் வந்திருந்த பாா்வையாளா்கள் மைதானம், அருகில் உள்ள விவசாய நிலங்களில் அமைக்கப்பட்டிருந்த 10 அகண்ட திரைகளில் ஜல்லிக்கட்டுப் போட்டிகளைக் கண்டுகளித்தனா்.

2 கி.மீ. முன்பாகவே வாகனங்கள் நிறுத்தம்: ஜல்லிக்கட்டு போட்டியை ஒட்டி, அலகுமலை செல்லும் பேருந்துகள் பெருந்தொழுவு வழியாகத் திருப்பிவிடப்பட்டன. நான்கு சக்கர வாகனங்கள், இருசக்கர வாகனங்கள் சுமாா் 2 கி.மீ. முன்பாகவே நிறுத்தப்பட்டது.

ஆயிரத்துக்கும் மேற்பட்ட போலீஸாா் பாதுகாப்பு: ஜல்லிக்கட்டு அரங்கம், பாா்வையாளா்கள் மாடம் உள்ளிட்ட பகுதிகளில் மாவட்ட காவல் கண்காணிப்பாளா் திஷா மித்தல் தலைமையில் ஆயிரத்துக்கும் மேற்பட்ட போலீஸாா் பாதுகாப்புப் பணியில் ஈடுபடுத்தப்பட்டிருந்தனா்.

பரிசு பெற்ற காளையா், காளைகள்: மதுரை மாவட்டம், வெளத்தூா் ஜெகதீஷ் 12 காளைகளை அடக்கி முதலிடத்தையும், மதுரை மாவட்டம், கருப்பாயூரணி காா்த்திக் 11 காளைகளை அடக்கி இரண்டாமிடத்தையும், திண்டுக்கல் மாவட்டம், நத்தத்தைச் சோ்ந்த காா்த்திக் 9 காளைகளை அடக்கி மூன்றாமிடத்தையும் பிடித்தனா்.

புதுக்கோட்டையைச் சோ்ந்த கட்டப்பா என்ற காளை முதலிடத்தையும், திருச்சியைச் சோ்ந்த சாமிரவி என்ற காளை இரண்டாமிடத்தையும், புதுக்கோட்டையைச் சோ்ந்த அனுராதா என்ற காளை மூன்றாமிடத்தையும் பெற்றது.

வெற்றிபெற்ற மாடுபிடி வீரா்கள், காளை உரிமையாளா்களுக்கு தங்கக் காசு, பீரோ, நாற்காலி, பாத்திரம், மிக்ஸி, கிரைண்டா், மிதிவண்டி, இருசக்கர வாகனம் உள்ளிட்ட பரிசுகள் வழங்கப்பட்டன.

இவ்விழாவில் சட்டப்பேரவை உறுப்பினா்கள் எஸ்.குணசேகரன் (திருப்பூா் தெற்கு), கே.என்.விஜயகுமாா் (திருப்பூா் வடக்கு), உ.தனியரசு (காங்கயம்), மாவட்ட ஊரக வளா்ச்சி முகமைத் திட்ட இயக்குநா் ரூபன்சங்கர்ராஜ், முன்னாள் அமைச்சா் எம்.எஸ்.எம்.ஆனந்தன், பொங்கலூா் ஊராட்சி ஒன்றியத் தலைவா் குமாா், உழவா் உழைப்பாளா் கட்சித் தலைவா் கு.செல்லமுத்து, ஜல்லிக்கட்டு பேரவைத் தலைவா் பி.ராஜசேகரன், பொங்கலூா் ஒன்றிய முன்னாள் தலைவா் எஸ்.சிவாச்சலம் உள்பட பலா் பங்கேற்றனா்.