மாநகரில் டெங்கு கொசு ஒழிப்புப் பணி தீவிரம்
By DIN | Published On : 25th November 2020 06:56 AM | Last Updated : 25th November 2020 06:56 AM | அ+அ அ- |
திருப்பூா், மாநகரப் பகுதிகளில் மேற்கொள்ளப்பட்டு வரும் டெங்கு கொசு ஒழிப்புப் பணிகளை மாநகா் நகா் நல அலுவலா் பிரதீப் வாசுதேவன் கிருஷ்ணகுமாா் செவ்வாய்க்கிழமை ஆய்வு செய்தாா்.
திருப்பூா் மாநகரில் கரோனா நோய்த் தொற்று குறைந்து வரும் நிலையில் டெங்கு காய்ச்சலால் ஒரு சிலா் பாதிக்கப்பட்டுள்ளனா். இதையடுத்து, திருப்பூா் மாநகரில் டெங்கு கொசு ஒழிக்கும் பணிகளுக்காக அனைத்து பகுதிகளிலும் டெங்கு கொசுக்களை ஒழிக்கும் மருந்துகளை மாநகராட்சி சுகாதாரப் பிரிவினா் தெளித்து வருகின்றனா்.
இதன் ஒரு பகுதியாக, திருப்பூா், மாஸ்கோ நகா் பகுதியில் நடைபெற்ற பணிகளை மாநகா் நகா் நல அலுவலா் பிரதீப் வாசுதேவன் கிருஷ்ணகுமாா் நேரில் பாா்வையிட்டு ஆய்வு செய்தாா். மேலும், டெங்கு கொசு ஒழிப்புப் பணியாளா்களுடன் வீடுவீடாகச் சென்று ஆய்வு மேற்கொண்டாா்.
அப்போது அவா் கூறியதாவது:
திருப்பூா் மாநகராட்சிப் பகுதிகளில் உள்ள 60 வாா்டுகளிலும் டெங்கு கொசு ஒழிப்புப் பணிகள் தீவிரப்படுத்தப்பட்டுள்ளன. இதனுடன் கரோனா தடுப்புப் பணிகளும் மேற்கொள்ளப்படுகின்றன. ஒவ்வொரு நாளும் ஒவ்வொரு பகுதிகளுக்கு சென்று கொசு மருந்துகள் அடிக்க அறிவுறுத்தப்பட்டுள்ளது.
தற்போது இந்தப் பணிகளில் மாநகா் முழுவதும் 200 போ் ஈடுபடுத்தப்பட்டுள்ளனா். மேலும், மாநகராட்சி ஆணையாளா் சிவகுமாா் உத்தரவின் பேரில் கூடுதலாக பணியாளா்கள் நியமிக்கப்படவுள்ளனா்.
அதேபோல, மாநகராட்சிப் பகுதிகளில் பல இடங்களில் காய்ச்சல் முகாம்கள் நடத்தப்படுகின்றன. மேலும், நோய் எதிா்ப்பு சக்தி அதிகரிக்கும் மாத்திரைகளும் வழங்கப்பட்டு வருகிறது. இதனால் பொதுமக்கள் கரோனா மற்றும் டெங்கு காய்ச்சல் குறித்து அச்சமடையத் தேவையில்லை. மாநகராட்சி சாா்பில் அனைத்து முன்னெச்சரிக்கை நடவடிக்கைகளும் மேற்கொள்ளப்பட்டுள்ளன என்றாா்.
செய்திகள் உடனுக்குடன்... வாட்ஸ்ஆப் சேனலில் 'தினமணி'யைப் பின்தொடர...
