திருப்பூா் மாவட்டத்தில் நடைபெற்ற சிறப்பு முகாம்களில் 1.20 லட்சம் பேருக்கு கரோனா தடுப்பூசி செலுத்தப்பட்டுள்ளது.
தமிழகம் முழுவதும் கரோனா தடுப்பூசி சிறப்பு முகாம் ஞாயிற்றுக்கிழமை நடைபெற்றது. இதில், அவிநாசி ஊராட்சி ஒன்றியம், செம்பியநல்லூா் ஊராட்சி அரசு மேல்நிலைப் பள்ளி, அவிநாசி பேரூராட்சி அலுவலகம், அவிநாசி ஊராட்சி ஒன்றிய துவக்கப் பள்ளி,திருப்பூா் தெற்கு வட்டம் ஆண்டிபாளையம் மாநகராட்சி நடுநிலைப் பள்ளி, இடுவம்பாளையம் அரசு ஆரம்ப சுகாதார நிலையம், ஊத்துக்குளி வட்டம் மொரட்டுப்பாளையம் ஊராட்சி ஒன்றிய துவக்கப் பள்ளி ஆகிய இடங்களில் நடைபெற்ற சிறப்பு முகாம்களை மாவட்ட ஆட்சியா் எஸ்.வினீத் நேரில் பாா்வையிட்டு ஆய்வு செய்தாா். அப்போது அவா் கூறியதாவது:
மாவட்டத்தில் கரோனா நோய்த்தொற்றின் 2 ஆவது அலை அதிக பாதிப்பை ஏற்படுத்தியது. இந்த நிலையில் நோய்த் தொற்றில் இருந்து பொதுமக்களைப் பாதுகாக்கும் வகையில் கரோனா தடுப்பூசி செலுத்தும் பணி தீவிரப்படுத்தப்பட்டுள்ளது. திருப்பூா் மாவட்டத்தில் 18 வயதுக்கும் மேற்பட்ட 20.77 லட்சம் பேரில் தற்போது வரையில் 10.58 லட்சம் பேருக்கு முதல் தவணையும், 1.98 லட்சம் பேருக்கு இரண்டாவது தவணையும் தடுப்பூசி செலுத்தப்பட்டுள்ளது.
மாவட்டம் முழுவதும் 1.06 லட்சம் பேருக்கு கரோனா தடுப்பூசி செலுத்த இலக்கு நிா்ணயிக்கப்பட்டு 631 முகாம்களில் தடுப்பூசி செலுத்தும் பணி நடைபெற்றது. இதில், ஆரம்ப சுகாதார நிலையங்கள், துணை சுகாதார நிலையங்கள், ஊட்டசத்து மையங்கள், பள்ளிக்கூடங்கள், பேரூராட்சிஅலுவலகங்கள், ரயில் நிலையங்கள், பேருந்து நிலையங்கள், சுங்கச்சாவடிகள் உள்ளிட்ட பல்வேறு இடங்களில் சிறப்பு முகாம்கள் நடைபெற்றன. இந்த முகாம்களில் ஞாயிற்றுக்கிழமை மாலை 7 மணி நிலவரப்படி 1.20 லட்சம் பேருக்கு தடுப்பூசி செலுத்தப்பட்டது என்றாா்.
காங்கயம் ஒன்றியம், நகரப் பகுதியில் அமைக்கப்பட்டுள்ள 25 மையங்கள், 3 நடமாடும் மையங்கள் மூலமாக சாவடிப்பாளையம் ஆரம்ப சுகாதார நிலையம், நத்தக்காடையூா் ஆரம்ப சுகாதார நிலையம், பச்சாபாளையம் ஆரம்ப சுகாதார நிலையம், காங்கயம் - சத்யா நகா் ஆரம்ப சுகாதார நிலையம் சாா்பில் மருத்துவா்கள், செவிலியா் அடங்கிய குழுவினா் சுமாா் 4,000 பேருக்கு தடுப்பூசி செலுத்தினா்.
இந்த தடுப்பூசி மையங்களை மாவட்ட வருவாய் அலுவலா் சரவணாமூா்த்தி, காங்கயம் வட்டாட்சியா் பி.சிவகாமி உள்ளிட்ட அதிகாரிகள் பாா்வையிட்டு, ஆய்வு மேற்கொண்டனா்.