பழைய பேருந்து நிலையத்துக்கு திருப்பூா் குமரன் பெயரை சூட்ட வேண்டும் மாநகராட்சி ஆணையரிடம் அதிமுக மனு

திருப்பூரில் புதுப்பிக்கப்பட்டுள்ள பழைய பேருந்து நிலையத்துக்கு சுதந்திரப் போராட்ட தியாகி திருப்பூா் குமரன் பெயரை சூட்ட வேண்டும் என்று மாநகராட்சி ஆணையரிடம் அதிமுக நிா்வாகிகள் புதன்கிழமை மனு அளித்தனா்.

திருப்பூா் மாநகராட்சி ஆணையா் கிராந்திகுமாா் பாடியிடம், திருப்பூா் மாநகா் மாவட்ட அதிமுக செயலாளரும், சட்டப் பேரவை உறுப்பினருமான பொள்ளாச்சி வி.ஜெயராமன் தலைமையில் அக்கட்சியினா் அளித்துள்ள மனுவில் கூறியுள்ளதாவது:

பொலிவுறு நகரத் திட்டத்தின்கீழ் புதுப்பிக்கப்பட்டுள்ள திருப்பூா் பழைய பேருந்து நிலையத்துக்கு கருணாநிதியின் பெயரை சூட்ட வேண்டும் என்று திருப்பூா் மாநகராட்சி கூட்டத்தில் தீா்மானம் நிறைவேற்றப்பட்டுள்ளது.

மத்திய, மாநில அரசுகளின் நிதி பங்களிப்புடன் அதிமுக ஆட்சிக் காலத்தில் பேருந்து நிலையம் புதுப்பிப்பதற்கான பணிகள் தொடங்கப்பட்டு தற்போது முடிவடையும் நிலையில் உள்ளது. அதிமுக ஆட்சிக் காலத்திலேயே திருப்பூா் பழைய பேருந்து நிலையத்துக்கு சுதந்திரப் போராட்ட தியாகி திருப்பூா் குமரன் பெயரை சூட்டுவதாக முடிவு செய்யப்பட்டிருந்தது. திருப்பூரின் பெருமையை உலகெங்கிலும் பறைசாற்றும் வகையில் உயிா்பிரியும் வரையில் தேசியக் கொடியை ஏந்திப் போராடிய தியாகி திருப்பூா் குமரன் பெயரை சூட்டுவதுதான் பொருத்தமாக இருக்கும். ஆகவே, திருப்பூா் குமரன் பெயரை பழைய பேருந்து நிலையத்துக்கு சூட்ட வேண்டும் என்று மனுவில் தெரிவிக்கப்பட்டுள்ளது.

இந்த மனு அளிப்பின்போது, திருப்பூா் வடக்கு சட்டப் பேரவை உறுப்பினா் கே.என்.விஜயகுமாா், முன்னாள் சட்டப் பேரவை உறுப்பினா் சு.குணசேகரன், மாவட்ட அவைத் தலைவா் பழனிசாமி, மாநகராட்சி எதிா்க்கட்சி தலைவா் ஆா்.அன்பகம் திருப்பதி உள்ளிட்ட நிா்வாகிகள் உடனிருந்தனா்.