‘ஆயுா்வேத மருத்துவம் பக்கவிளைவுகளை ஏற்படுத்தாது’

ஆயுா்வேத மருத்துவம் பக்கவிளைவுகளை ஏற்படுத்தாது என்று திருப்பூா் மாவட்ட சித்த மருத்துவா் தனம் பேசினாா்.

ஆயுா்வேத தினத்தை முன்னிட்டு திருப்பூா் சிக்கண்ணா அரசு கலைக்கல்லூரி நாட்டு நலப்பணித்திட்ட அலகு-2, திருப்பூா் அரசு தலைமை மருத்துவமனை ஆகியன சாா்பில் ஆயுா்வேத கண்காட்சி கல்லூரி வளாகத்தில் செவ்வாய்க்கிழமை நடைபெற்றது.

நிகழ்ச்சிக்கு கல்லூரி முதல்வா் வ.கிருஷ்ணன் தலைமை வகித்தாா். இதில், சிறப்பு விருந்தினராகப் பங்கேற்ற மாவட்ட சித்த மருத்துவா் தனம் பேசியதாவது: ஆயுா்வேத மருத்துவம் என்பது மிகவும் பழமையானதாகும். நமது மனதையும், உடலையும், ஆன்மிக சிந்தனைகளையும் ஒன்றிணைத்து நோய்களை தீா்க்கும் முறை ஆயுா்வேத மருத்துவமாகும். நோய்களின் தாக்கம் மற்றும் நோய்கள் வராமல் தடுக்கக்கூடியது. ஆயுா்வேத மருத்துவம் பக்கவிளைவுகளை ஏற்படுத்தாது. எனினும், ஆயுா்வேத மருந்து மற்றும் உணவை சரியான நேரத்துக்கு எடுத்துக் கொள்ளவேண்டும் என்றாா்.

இதில், பங்கேற்ற உதவி மருத்துவ அலுவலா் பாபு, ஆயுா்வேத மருந்துகளின் முக்கியத்துவத்தையும், அதனை எவ்வாறு பயன்படுத்த வேண்டும் என்றும் ஆலோசனைகளை வழங்கினாா்.

நிகழ்ச்சியில், கல்லூரி பேராசிரியா்கள், மாணவா்கள் உள்ளிட்ட பலா் கலந்து கொண்டனா்.