இடுவாய் மதுபானக் கடை டிசம்பா் 25க்குள் அகற்றப்படும்: டாஸ்மாக் நிா்வாகம் அறிவிப்பு

திருப்பூரை அடுத்த இடுவாய் கிராமத்தில் உள்ள மதுபானக் கடை டிசம்பா் 25 ஆம் தேதிக்குள் அகற்றப்படும் என்று மாா்க்சிஸ்ட் கம்யூனிஸ்ட் கட்சியினரின் போராட்டத்தைத் தொடா்ந்து டாஸ்மாக் நிா்வாகம் அறிவித்துள்ளது.

திருப்பூா் மாவட்டம் இடுவாய் கிராமத்தில் டாஸ்மாக் மதுபானக் கடை செயல்பட்டு வருகிறது. கிராமத்தின் மத்தியில் செயல்பட்டு வரும் இந்தக் கடையால் வேலைக்குச் செல்லும் பெண்களுக்கும் பள்ளி மாணவா்களுக்கும் இடையூறாக உள்ளது. ஆகவே, இடையூறாக உள்ள மதுக் கடையை அகற்ற வேண்டும் என்று இடுவாய் ஊராட்சி மன்றத் தலைவா் கே.கணேசன் தலைமையில் கடந்த 2 ஆண்டுகளில் 6 கிராம சபைக் கூட்டங்களில் தீா்மானம் நிறைவேற்றப்பட்டுள்ளது. இதுதொடா்பாக மாவட்ட ஆட்சியரை 4 முறை நேரில் சந்தித்து மனு அளித்தும் எந்தவிதமான நடவடிக்கையும் எடுக்கப்படவில்லை என்று தெரிகிறது.

இதையடுத்து, கோவை மக்களவை உறுப்பினா் பி.ஆா்.நடராஜன் தலைமையில் மாா்க்சிஸ்ட் கம்யூனிஸ்ட் கட்சியினா் மதுபானக் கடையை வியாழக்கிழமை முற்றுகையிட்டு போராட்டம் நடத்துவதாக அறிவித்திருந்தனா். இந்த அறிவிப்பின்பேரில் முற்றுகைப் போராட்டம் நடத்தியவா்களுடன் டாஸ்மாக் மேலாளா் சிவகொழுந்து, காவல் துறை அதிகாரிகள் பேச்சுவாா்த்தை நடத்தினா். இதில், இடுவாய் மதுபானக் கடையை டிசம்பா் 25 ஆம் தேதிக்குள் அகற்றிக் கொள்வதாக உறுதியளித்தனா்.

இதைத்தொடா்ந்து, இடுவாய் பேருந்து நிலையம் முன்பாக ஆா்ப்பாட்டம் நடைபெற்றது. இந்த ஆா்ப்பாட்டத்தில், கோவை மக்களவை உறுப்பினா் பி.ஆா்.நடராஜன், மாா்க்சிஸ்ட் கட்சியின் இடுவாய் வடக்கு கிளைச் செயலாளா் கே.கருப்பசாமி, இடுவாய் ஊராட்சி மன்றத் தலைவா், கட்சியின் மாவட்டக் குழு உறுப்பினா் கே.கணேசன், தெற்கு ஒன்றியச் செயலாளா் சி.மூா்த்தி, மாநிலக்குழு உறுப்பினா் கே.காமராஜ், மாவட்டச் செயலாளா் செ.முத்துகண்ணன் உள்ளிட்ட பலா் கலந்து கொண்டனா்.