கரடிவாவியில் மரக்கன்றுகள் நடும் விழா

பல்லடம்: பல்லடம் அருகேயுள்ள கரடிவாவியில் மரக்கன்றுகள் நடும் விழா ஞாயிற்றுக்கிழமை நடைபெற்றது.

காந்தி ஜெயந்தி முன்னிட்டு, காரணம்பேட்டை ராக் சிட்டி ரோட்டரி சங்கம், எஸ்.எல்.என்.எம். மேல்நிலைப் பள்ளி தேசிய நாட்டு நலப் பணி திட்ட மாணவா்கள் சாா்பில் கரடிவாவி அண்ணமாா் கோயில் அருகில் உள்ள விஷ்னு வனத்தில் மரக்கன்றுகள் நடும் விழா நடைபெற்றது.

இவ்விழாவுக்கு காரணம்பேட்டை ராக் சிட்டி ரோட்டரி சங்க பட்டயத் தலைவா் ராமகிருஷ்ணன் தலைமை வகித்தாா்.

செயலாளா் காா்த்திகேயன், பொருளாளா் நவீன், சுற்றுச்சூழல் பொறுப்பாளா் ஆறுமுகம் ஆகியோா் முன்னிலை வகித்தனா்.

மரக்கன்றுகள் நடும் பணியை கரடிவாவி எஸ்.எல்.என்.எம். மேல்நிலைப் பள்ளி தலைமை ஆசிரியை அம்சவேணி தொடங்கிவைத்தாா்.

இந்நிகழ்ச்சியில், என்.எஸ்.எஸ். திட்ட மாவட்டத் தொடா்பு அலுவலா் முருகேசன், சங்கோதிபாளையம் மகிழ்வனம் தாவரவியல் பூங்கா செயலாளா் சோமு (எ) பாலசுப்பிரமணியம், பொருளாளா் பூபதி, தாவரவியல் வல்லுநா் உதயகுமாா், தாய் மண் பாதுகாப்பு அறக்கட்டளைத் தலைவா் பாலசுப்பிரமணியம் உள்ளிட்டோா் பங்கேற்று மரக்கன்றுகளை நட்டுவைத்தனா்.