காங்கயத்தில் காய்கறிகள் வரத்து குறைவு: விலை உயா்வு

காங்கயம்: காங்கயத்தில் வாரச் சந்தையில் காய்கறிகள் வரத்து குறைந்திருந்ததால் விலை அதிகரித்து காணப்பட்டது.

காங்கயம் நகரில் வாரந்தோறும் திங்கள்கிழமை வாரச் சந்தை கூடுகிறது. இங்கு பல்வேறு பகுதிகளைச் சோ்ந்த விவசாயிகள், வியாபாரிகள் காய்கறிகள் உள்ளிட்ட வேளாண் விளைபொருள்களை விற்பனை செய்து வருகின்றனா்.

இந்நிலையில், இந்த வாரம் நடைபெற்ற வாரச் சந்தையில் காய்கறிகளின் வரத்து குறைந்திருந்ததால் அனைத்துக் காய்கறிகளின் விலையும் அதிகரித்து காணப்பட்டது.

அதிகபட்சமாக சின்ன வெங்காயம் கிலோ ரூ.110க்கு விற்பனை செய்யப்பட்டது. தவிர, பெரிய வெங்காயம் - ரூ.90, அவரைக்காய் -ரூ.100, வெண்டைக்காய் -ரூ.80, தக்காளி ரூ.-30க்கும் விற்பனை செய்யப்பட்டு. வெங்காயம் உள்ளிட்ட பெரும்பாலான காய்கறிளின் வரத்து குறைந்து வருவதால் தொடா்ந்து விலை அதிகரிக்க வாய்ப்புள்ளது என வியாபாரிகள் தெரிவித்தனா்.