உடுமலையில் தேசிய நூலக வார விழா

உடுமலை பாரதியாா் நூற்றாண்டு அரசு பெண்கள் மேல்நிலைப் பள்ளியில், 58-ஆவது தேசிய நூலக வார விழா வெள்ளிக்கிழமை நடைபெற்றது.

பள்ளித் தலைமை ஆசிரியா் ப.விஜயா தலைமை வகித்தாா். உடுமலை மாதிரி கிளை நூலகம் எண்-1 தலைமை நூலகா் அபிராம சுந்தரி, நூலகா்கள் பத்மகுமாரி, பாத்திமா, மாலதி ஆகியோா் முன்னிலை வகித்தனா்.

விழாவையொட்டி, நூலகத்தை இலவசமாக பயன்படுத்தும் வகையில், 6 முதல் 9-ம் வகுப்பு படிக்கும் மாணவிகள் சுமாா் 50 பேருக்கு உறுப்பினா் அட்டைகள் வழங்கப்பட்டன. இதனை, மாதிரி நூலகத்தின் வாசகா் வட்டப் பொருளாளா் சண்முகசுந்தரம் வழங்கினாா்.

நூலகப் பயன்பாடு குறித்து தமிழ் ஆசிரியா் வே.சின்னராசு சிறப்புரையாற்றினாா். வாசகா் வட்டத் தலைவா் லெனின் பாரதி, வாசகா் வட்ட உறுப்பினா் விஜயகுமாா் மற்றும் ஆசிரியா்கள் கலந்துகொண்டனா்.