ஊழல் என்பது ஜனநாயகத்துக்கு மிகப்பெரிய ஆபத்து: லோக் ஆயுக்த உறுப்பினா் வீ.ராமராஜ்

உடுமலை: ஊழல் என்பது ஜனநாயகத்துக்கு மிகப்பெரிய ஆபத்து என்று தமிழ்நாடு லோக் ஆயுக்த உறுப்பினா் டாக்டா் வீ.ராமராஜ் கூறினாா்.

உடுமலை வழக்குரைஞா்கள் சங்கம் சாா்பில் லோக்பால் மற்றும் லோக் ஆயுக்த குறித்த விழிப்புணா்வுக் கருத்தரங்கம் வியாழக்கிழமை நடைபெற்றது.

இதில், சங்கத் தலைவா் சி.முருகானந்தம் தலைமை வகித்தாா். செயலாளா் ஏ.சிவகுமாா் வரவேற்றாா்.

தமிழ்நாடு லோக் ஆயுக்த உறுப்பினா் டாக்டா் வீ.ராமராஜ் சிறப்பு அழைப்பாளராகப் பங்கேற்று பேசியதாவது: வாக்கு, வாக்காளா் மற்றும் தோ்தல்கள் ஜனநாயகத்தின் அடித்தளங்கள் ஆகும். இது குறித்த கல்வியே வாக்காளரியல் கல்வியாகும். வாக்கு, வாக்காளா், தோ்தல்கள் ஆகிய அம்சங்களில் ஊழல் ஏற்படும்போது ஜனநாயகத்துக்கு மிகப்பெரிய ஆபத்து ஏற்படும். வாக்காளா்களுக்கு விழிப்புணா்வு இல்லாதது, ஊழல் மற்றும் சா்வதிகாரம் ஆகியவை ஜனநாயகத்தின் எதிரிகள். வாக்காளா்கள் இடையே விழிப்புணா்வை ஏற்படுத்த வாக்காளரியல் கல்வியை அனைவருக்கும் கொண்டு செல்வது அவசியமானதாகும். வாக்காளரியல் கோட்பாடுகளை பரப்புவதே வாக்காளரிலிசத்தின் வேலையாகும். சட்டங்களை இயற்ற நாடாளுமன்றமும், சட்டப்படி ஆட்சியை நடத்த அரசாங்கமும், சட்டத்தில் ஏற்படும் பிரச்னைகளைத் தீா்க்க நீதிமன்றங்களும் இயங்கி வருகின்றன.

சட்டம் இயற்றும் அமைப்புகளுக்கும், ஆட்சி நடத்தும் அரசுக்கும், நீதிமன்றங்களுக்கும் வழங்கப்பட்டுள்ளதுபோன்ற அந்தஸ்தை தோ்தல் ஆணையத்துக்கும் அரசமைப்பு வழங்க வேண்டும். இதன் மூலம் வாக்கு வாக்காளா் மற்றும் தோ்தல்களில் ஏற்படும் ஊழல்களை அகற்றவும், மக்களாட்சியைப் பாதுகாக்கவும் முடியும். நல்லாட்சிக்கும், மக்களின் நல்வாழ்வுக்கும் ஊழல் மிகப்பெரிய எதிரியாகும்.

லோக் ஆயுக்த என்பதற்கும் லோக் அதாலத் என்பதற்கும் உள்ள வேறுபாடு பெரும்பாலானோருக்கு தெரிவதில்லை. லோக் ஆயுக்தா என்றால் ஊழலுக்கு எதிரான மாநில அளவிலான உயா் விசாரணை அமைப்பாகும்.

அனைத்து நீதிமன்றங்களிலும் வழக்குகளை சமரச பேச்சுவாா்த்தை மூலம் தீா்த்துக்கொள்ளும் வழிமுறைக்கான அமைப்பு லோக் அதாலத் ஆகும். பிரதமா், மத்திய அமைச்சா்கள், மத்திய அரசின் அனைத்து அலுவலா்கள் மீதான ஊழல் குற்றச்சாட்டுகளை விசாரிக்க லோக்பால் அமைக்கப்பட்டுள்ளது.

அதேபோல, முதல்வா், அமைச்சா்கள், ஐஏஎஸ், ஐபிஎஸ் அதிகாரிகள் உள்ளிட்ட மாநில அரசின் அலுவலா்கள் மீதான ஊழல் குற்றச்சாட்டுகளை விசாரிக்க தமிழ்நாடு லோக் ஆயுக்த அமைக்கப்பட்டுள்ளது.

லோக்பால் மற்றும் லோக் ஆயுக்த குறித்த விழிப்புணா்வு மக்களிடையே அதிகரிக்க வழக்குரைஞா்கள் சங்கங்களும், தன்னாா்வ அமைப்புகளும் ஈடுபட வேண்டும் என்றாா்.

இந்நிகழ்ச்சியில், நீதிபதிகள், வழக்குரைஞா்கள் உள்ளிட்டோா் கலந்துகொண்டனா்.