வரத்து அதிகரிப்பால் கடும் விலை வீழ்ச்சி: தக்காளிகளை ஓடைகளில் கொட்டிய விவசாயிகள்

வரத்து அதிகரிப்பால் கடும் விலை வீழ்ச்சி ஏற்பட்டுள்ள நிலையில், தக்காளிகளை விவாசயிகள் ஓடைகளில் கொட்டிச் சென்றனா்.

தமிழகத்தில் கடந்த 2024-ஆம் ஆண்டு தக்காளியின் விலை புதிய உச்சத்தை எட்டியிருந்தது. ஒரு கிலோ தக்காளியின் விலை ரூ.100 முதல் ரூ.180 வரை உயா்ந்து விற்பனையானது. தக்காளியின் விளைச்சல் குறைந்து, வரத்து குறைந்ததாலும் விலை அதிகரித்து புதிய உச்சத்தை எட்டியது.

இந்நிலையில் நிகழாண்டிலும், தக்காளிக்கு அதிக விலை கிடைக்கும் என நம்பி ஏராளமான விவசாயிகள் தக்காளியை பயிரிட்டனா். இதன் காரணமாக தற்போது தக்காளியின் விளைச்சல் அதிகரித்துள்ளதால், வரத்து அதிகரித்து அதன் விலை சரியத் தொடங்கியுள்ளது. தக்காளியை அதிக அளவில் பயிரிட்டு சந்தைக்கு அதிக அளவில் தக்காளியை விவசாயிகள் விற்பனைக்கு கொண்டு வரத் தொடங்கியதன் காரணமாக தக்காளியின் விலை கடுமையாக சரிந்து வருகிறது.

குறிப்பாக தென்னம்பாளையம், பல்லடம் உள்ளிட்ட இடங்களில் 15 கிலோ எடை கொண்ட ஒரு பெட்டி தக்காளி ரூ.600 முதல் ரூ.800 வரை விற்பனை செய்யப்பட்டு வந்த நிலையில், கடந்த சில நாள்களாக வரத்து அதிகரித்து 15 கிலோ எடை கொண்ட பெட்டி ரூ.200-க்கு மட்டுமே விற்பனை செய்யப்படுகிறது. அதிலும் தரமான தக்காளி மட்டும் இந்த விலைக்கு விற்கப்படுகிறது. இதற்கு அடுத்த நிலையில் உள்ள தக்காளிப் பெட்டி ரூ.40 முதல் ரூ.100 வரை மட்டுமே விற்பனை செய்யப்படுகிறது. இதன் காரணமாக விவசாயிகள் தாங்கள் உற்பத்தி செய்த தக்காளிகளை விற்பனைக்காக சந்தைக்கு கொண்டு வந்தும் உரிய விலை கிடைக்காததால் ஓடைகளில் கொட்டிச் செல்லும் நிலை ஏற்பட்டுள்ளது.

எனவே, தமிழக அரசு கொப்பரைக்கு உரிய விலை நிா்ணயம் செய்வதுபோல தக்காளிக்கும் நிலையான விலையை நிா்ணயம் செய்தால் மட்டுமே வாழ்வாதாரம் பாதுகாக்கப்படும் எனவும், தக்காளி பயிரிடும் விவசாயிகளின் பொருளாதார சூழலைக் கருத்தில் கொண்டு தக்காளியை மதிப்புக் கூட்டிய பொருளாக மாற்றவும் நடவடிக்கை எடுக்க வேண்டும் எனவும் விவசாயிகள் தெரிவித்துள்ளனா்.