வளா்ச்சி திட்டப் பணிகள்: ஆட்சியா் அலுவலகத்தில் ஆய்வுக் கூட்டம்

திருப்பூா் மாவட்டத்தில் ஊரக வளா்ச்சித் துறையின் சாா்பில் நடைபெற்று வரும் வளா்ச்சி திட்டப் பணிகள் குறித்து மாவட்ட ஆட்சியா் அலுவலகத்தில் ஆய்வுக் கூட்டம் வெள்ளிக்கிழமை நடைபெற்றது.

கூட்டத்துக்கு மாவட்ட ஆட்சியா் மனீஷ் தலைமை வகித்தாா்.

இதைத் தொடா்ந்து அவா் தெரிவித்தாவது:

திருப்பூா் மாவட்டத்தில் ஊரக வளா்ச்சித் துறையின் சாா்பில் செயல்படுத்தப்பட்டு வரும் பல்வேறு திட்டப் பணிகள் குறித்து துறை சாா்ந்த அலுவலா்களுடனான ஆய்வுக் கூட்டம் நடத்தப்பட்டது. இக்கூட்டத்தில் கனவு இல்லம், ஊரக வீடுகள் பழுது பாா்க்கும் திட்டம், மகாத்மா காந்தி தேசிய ஊரக வேலை உறுதித் திட்டம், நமக்கு நாமே திட்டம், அண்ணா மறுமலா்ச்சித் திட்டம், பள்ளி உள்கட்டமைப்பு மேம்பாட்டு திட்டம் ஆகியவை குறித்து ஆய்வு மேற்கொள்ளப்பட்டது.

அதேபோல, இலங்கைத் தமிழா் மறுவாழ்வு முகாம், ஊரகப் பகுதிகளில் பிரதமரின் வீடு வழங்கும் திட்டம், சட்டப் பேரவை உறுப்பினா் தொகுதி மேம்பாட்டு திட்டம், பண்டைய பழங்குடியினா் பிரதம மந்திரி பெருந்திட்டம், மக்களவை உறுப்பினா் உள்ளுா் பகுதி மேம்பாட்டு திட்டம், தூய்மை பாரத இயக்கம், 15-ஆவது நிதிக்குழு மானியத் திட்டத்தின்கீழ் செயல்படுத்தப்படும் திட்டங்கள், சாலை, குடிநீா், தெருவிளக்கு உள்ளிட்ட அடிப்படை வசதிகள் குறித்தும் விரிவாக ஆய்வு மேற்கொள்ளப்பட்டது.

நடைபெற்று வரும் திட்டங்களை விரைந்து முடிக்கவும், புதிய திட்டங்களுக்கு திட்டமதிப்பீடு தயாா் செய்யவும் அலுவலா்களுக்கு அறிவுறுத்தப்பட்டது என்றாா்.

இந்த ஆய்வுக் கூட்டத்தில், மாவட்ட ஊரக வளா்ச்சி முகமை திட்ட இயக்குநா் க.சங்கமித்திரை, உதவி இயக்குநா் (பயிற்சி) ஹா்ஷா, செயற்பொறியாளா் மோகனசுந்தரம் மற்றும் துறைசாா்ந்த அலுவலா்கள் கலந்து கொண்டனா்.