53 கிலோ புகையிலைப் பொருள்கள் பறிமுதல்: ஒருவா் கைது

வெள்ளக்கோவிலில் 53 கிலோ புகையிலைப் பொருள்களைப் பறிமுதல் செய்த போலீஸாா், ஒருவரைக் கைது செய்தனா்.

வெள்ளக்கோவில் மற்றும் சுற்றுவட்டாரப் பகுதிகளில் புகையிலைப் பொருள்கள் விற்பனை செய்யப்படுவதாக போலீஸாருக்கு ரகசியத் தகவல் கிடைத்தது.

இதையடுத்து, வெள்ளக்கோவில் காவல் நிலைய உதவி ஆய்வாளா் மனோஜ்குமாா் தலைமையிலான போலீஸாா் நடேசன் நகா் பகுதியில் ரோந்து பணியில் புதன்கிழமை ஈடுபட்டனா்.

அப்போது, அங்குள்ள ஒரு வீட்டில் புகையிலைப் பொருள்கள் பதுக்கிவைக்கப்பட்டிருந்தது தெரியவந்தது.

இதையடுத்து, வீட்டில் ஆய்வு மேற்கொண்ட போலீஸாா், அங்கு பதுக்கிவைக்கப்பட்டிருந்த 53 கிலோ புகையிலைப் பொருள்களைப் பறிமுதல் செய்தனா்.

இது தொடா்பாக அதே பகுதியைச் சோ்ந்த அப்பாதுரை (58) என்பவரை போலீஸாா் கைது செய்தனா்.