சக ஓட்டுநரை கொலை செய்த வழக்கில் இளைஞருக்கு ஆயுள் சிறைத் தண்டனை

அவிநாசி அருகே பால் வேன் ஓட்டுநரை கொலை செய்தவருக்கு ஆயுள் தண்டனை விதித்து அவிநாசி கூடுதல் மாவட்ட நீதிமன்றம் புதன்கிழமை தீா்ப்பளித்தது.

மதுரை மாவட்டம், மேலூா் சேக்கிபட்டி பகுதியைச் சோ்ந்தவா் சின்னத்தம்பி (எ) பொறுமைராஜ் (36). நாமக்கல் மாவட்டம், சா்க்காா் உடுப்பம் முத்துஉடையாா்பாளையம் பகுதியைச் சோ்ந்தவா் மணி (எ) மணிகண்டன் (38). இருவரும் அவிநாசி அருகே கானூரில் உள்ள பால் உற்பத்தி நிறுவனத்தில் ஓட்டுநா்களாகப் பணிபுரிந்து வந்தனா்.

இவா்களுக்குள் வாகனம் ஓட்டுவதில் பிரச்னை இருந்து வந்துள்ளது. கடந்த 2019 அக்டோபா் 7-ஆம் தேதி ஏற்பட்ட தகராறில், மணிகண்டன் கத்தியால் குத்தியதில் படுகாயமடைந்த பொறுமைராஜ் சிகிச்சைப் பலனின்றி உயிரிழந்தாா்.

இதுகுறித்து சேவூா் போலீஸாா் வழக்குப் பதிவு செய்து மணிகண்டனை கைது செய்தனா். இந்த வழக்கு விசராணை அவிநாசி கூடுதல் மாவட்ட நிதிமன்றத்தில் புதன்கிழமை நடைபெற்றது. இதில், மணிகண்டனுக்கு ஆயுள் தண்டனையும், ரூ.10 ஆயிரம் அபராதமும் விதித்து நீதிபதி தீா்ப்பளித்தாா்.