பிளஸ் 2 தேர்வு: கொங்கு மெட்ரிக். பள்ளி 100 சதவீத தேர்ச்சி

பிளஸ் 2 பொதுத்தேர்வில் மொரப்பூர் கொங்கு மெட்ரிக். மேல்நிலைப்பள்ளி மாணவர்கள் 100 சதவீதம் தேர்ச்சி பெற்றுள்ளனர்.
பிளஸ் 2 தேர்வில் கொங்கு மெட்ரிக். பள்ளியின் முதல் மதிப்பெண் 1,174 ஆகும். இப் பள்ளி மாணவர்கள் 1150 - க்கு மேல் 6 பேரும், 1100-க்கு மேல் 26 பேரும், 1000-க்கு மேல் 84 பேரும் மதிப்பெண்களை பெற்றுள்ளனர். கணிதம் பாடத்தில் 200-க்கு 200 மதிப்பெண்களை 12 பேரும், வேதியியல் பாடத்தில் தலா 199 மதிப்பெண்களை 4 பேரும், ஆங்கிலம் பாடத்தில் முதல் மதிப்பெண் 194 -ம், 190-க்கு மேல் 10 பேரும், தமிழ் பாடத்தில் முதல் மதிப்பெண்ணாக 197-ம், 190-க்கு மேல் 47 பேரும் மதிப்பெண்களை பெற்றுள்ளனர்.
மேலும், இப் பள்ளியின் சராசரி மதிப்பெண் 937.5 ஆகும். பிளஸ் 2 தேர்வில் சிறப்பிடம் பெற்ற மாணவ, மாணவிகளை கொங்கு கல்வி
அறக்கட்டளையின் தலைவர் டி.சந்திரசேகர், செயலர் ஏ.மோகன்ராசு, பொருளாளர் வரதராஜன், தாளாளர்கள் இளங்கோ, தீர்த்தகிரி, பள்ளி முதல்வர், நிர்வாகக்குழு இயக்குநர்கள் மற்றும் ஆசிரியர்கள் பாராட்டினர்.