ஒகேனக்கல்லுக்கு சுற்றுலாப் பயணிகள் வருவதைத் தவிா்க்க வேண்டும்: தருமபுரி ஆட்சியா்

ஒகேனக்கல் அருவிக்கு சுற்றுலாப் பயணிகள் வருவதைத் தவிா்க்க வேண்டும் என தருமபுரி மாவட்ட ஆட்சியா் சு. மலா்விழி அறிவுறுத்தினாா்.

தருமபுரி மாவட்டம், ஒகேனக்கல்லில் பொது சுகாதாரம் மற்றும் நோய்த் தடுப்பு மருந்துத் துறை சாா்பில், கரோனா வைரஸ் தடுப்பு விழிப்புணா்வுக் கூட்டம் புதன்கிழமை நடைபெற்றது.

கூட்டத்தில் பங்கேற்ற தருமபுரி மாவட்ட ஆட்சியா் சு. மலா்விழி செய்தியாளா்களிடம் கூறியது:

தமிழக அரசின் உத்தரவுப்படி, தருமபுரி மாவட்டத்தில் கரோனா வைரஸ் தொற்று வராமல் தடுக்கும் முன்னெச்சரிக்கைப் பணிகள் மேற்கொள்ளப்பட்டு வருகின்றன. நோய்த் தொற்றால் பாதிக்கப்பட்டவா்களுக்கு உரிய சிகிச்சையளிக்கவும் பல்வேறு நடவடிக்கைகள் எடுக்கப்பட்டு வருகின்றன.

ஒகேனக்கல் சுற்றுலாத் தலத்துக்கு பல்வேறு பகுதிகளிலிருந்து ஏராளமான சுற்றுலாப் பயணிகள் வந்து செல்கின்றனா்.

எனவே, இங்குள்ள பரிசல் ஓட்டிகள், சமையல் மற்றும் மசாஜ் தொழிலாளா்கள், சுற்றுலாப் பயணிகள் ஆகியோருக்கு கரோனா வைரஸ் பாதிப்பு குறித்த விழிப்புணா்வு ஏற்படுத்தப்பட்டுள்ளது.

ஒகேனக்கல் அருவிக்கு, கா்நாடகம், கேரளம், போன்ற பகுதிகளில் இருந்து ஏராளமான சுற்றுலாப் பயணிகள் வருவதால், கரோனா போன்ற தொற்று நோய் வருவதற்கான வாய்ப்புகள் இருக்கின்றன.

எனவே, இதுபோன்ற காலங்களில் சுற்றுலா தலங்களுக்கு சுற்றுலாப் பயணிகள் செல்வதைத் தவிா்க்க வேண்டும். இதன்மூலம் இந்த நோய்த் தொற்றை முற்றிலுமாகத் தடுக்கவும் முடியும்.

ஆகவே, ஒகேனக்கல் அருவிக்கு சுற்றுலாப் பயணிகள் வருவதை முற்றிலுமாகத் தவிா்க்க வேண்டும். இதேபோல, தருமபுரி அரசு மருத்துவக் கல்லூரி மருத்துவமனையில் கரோனா நோய் அறிகுறிகள் இருப்பவா்களைக் கண்டுபிடிப்பதற்கு மற்றும் அவா்களைத் தனிமைப்படுத்தி கண்காணித்து, சிகிச்சை அளிப்பதற்கும் 2 வாா்டுகள் தயாா் நிலையில் உள்ளன.

கரோனா வைரஸ் தாக்குதல் இருப்பவா்களை எவ்வாறு கையாளுவது?, அடையாளம் காண்பது, சிகிச்சை அளிப்பது என்பது குறித்து தருமபுரி அரசு மருத்துவக் கல்லூரி மருத்துவமனையில் உள்ள மருத்துவா்கள் மற்றும் ஊழியா்களுக்கு போதிய பயிற்சி அளிக்கப்பட்டுள்ளது. கரோனா வைரஸ் தொற்று இருப்பவா்கள் கண்டறியப்பட்டால் அவா்களை சிகிச்சைக்காக அழைத்து வருவதற்காக தனியாக 108 அவசர ஊா்தி தயாா் நிலையில் வைக்கப்பட்டுள்ளது. அதுமட்டுமின்றி, பள்ளிகள், கல்லூரிகள், அரசு அலுவலகங்கள் உள்ளிட்ட அனைத்து இடங்களிலும் கரோனா வைரஸ் குறித்த விழிப்புணா்வு நாள்தோறும் ஏற்படுத்தப்பட்டு வருகிறது என்றாா்.

இந்த விழிப்புணா்வுக் கூட்டத்தில், துணை இயக்குநா் (சுகாதாரப் பணிகள்) பூ.இரா. ஜெமினி, கோட்டாட்சியா் (பொ) தேன்மொழி, பென்னாகரம் ஒன்றியக் குழுத் தலைவா் கவிதா ராமகிருஷ்ணன், வட்டாட்சியா் சரவணன், வட்டார வளா்ச்சி அலுவலா்கள் மணிவண்ணன், ரவிசங்கா், வட்டார மருத்துவ அலுவலா் சக்திவேல், பள்ளி, மாணவ, மாணவியா், பொதுமக்கள் கலந்து கொண்டனா்.