Enable Javscript for better performance
தருமபுரி மாவட்டத்தில் 108 ஆம்புலன்ஸ் சேவையை விரிவுபடுத்த நடவடிக்கை: அமைச்சர் கே.பி. அன்பழகன்- Dinamani

சுடச்சுட

    

    தருமபுரி மாவட்டத்தில் 108 ஆம்புலன்ஸ் சேவையை விரிவுபடுத்த நடவடிக்கை: அமைச்சர் கே.பி. அன்பழகன்

    By DIN  |   Published on : 23rd November 2020 10:28 AM  |   அ+அ அ-   |    |  

    dhar

    108 ஆம்புலன்ஸ் சேவையை கொடியசைத்து தொடங்கி வைக்கும் அமைச்சர் கே.பி. அன்பழகன்.

    தருமபுரி மாவட்டத்தில் 108 ஆம்புலன்ஸ் சேவையை விரிவுபடுத்த நடவடிக்கை எடுக்கப்படும் என்று அமைச்சர் கே.பி. அன்பழகன் தெரிவித்துள்ளார்.

    தருமபுரி மாவட்டம், காரிமங்கலம் அரசு ஆரம்ப சுகாதார நிலையத்தில் பொதுமக்களின் பயன்பாட்டிற்காக 108 ஆம்புலன்ஸ் சேவையை உயர்கல்வி மற்றும் வேளாண்மைத் துறை அமைச்சர் கே.பி. அன்பழகன், கொடியசைத்து திங்கள்கிழமை தொடங்கி வைத்தார். தருமபுரி  மாவட்ட ஆட்சித்தலைவர் எஸ்.பி.கார்த்திகா தலைமை தாங்கினார். 

    இந்த நிகழ்வில் உயர்கல்வி மற்றும் வேளாண்மைத் துறை அமைச்சர் கே.பி. அன்பழகன் பேசியது, காரிமங்கலம் ஆரம்ப சுகாதார நிலையத்தில் தற்போது தொடங்கி வைப்பது தருமபுரி மாவட்டத்தில் 25-ஆவது ஆம்புலன்ஸ் சேவை வாகனம் ஆகும். இந்த வாகனம் காரிமங்கலம் சுற்றுவட்ட பொதுமக்கள் அவசரகால பயன்பாட்டிற்காக இயக்கப்படுபகிறது. தருமபுரி மாவட்டத்தில் சராசரியாக மாதத்தில் 2,500 பேர் ஆம்புலன்ஸ் சேவையை பயன்படுத்துகிறார்கள்.

    குறிப்பாக கர்ப்பிணி தாய்மார்கள் மாதத்தில் சராசரியாக 850 பேரும், சாலை விபத்தில் 450 பேரும் அவசரகால சிகிச்சைக்காக ஆம்புலன்ஸ் சேவையை பயன்படுத்தி வருகின்றனர். மாவட்டத்திலுள்ள அனைத்துப் பகுதிகளுக்கும் அவசரத்தேவைக்கு ஆம்புலன்ஸ் சேவை கிடைக்கும் வகையில் மேலும் இந்தத்திட்டத்தை விரிவு படுத்த நடவடிக்கைகள் எடுக்கப்படும். இந்த சேவையை பொதுமக்கள் பயன்படுத்திக்கொள்ள வேண்டும் என்றார். 

    இந்த நிகழ்வில் எம்எல்ஏக்கள் ஆ. கோவிந்தசாமி, வே.சம்பத் குமார், மாவட்ட வருவாய் அலுவலர் தரு.க.ராமமூர்த்தி, தருமபுரி அரசு மருத்துவக்கல்லூரி முதல்வர் இளங்கோவன், மருத்துவ பணிகளின்  இணை இயக்குனர் திலகம் உள்ளிட்ட பலர் பங்கேற்றனர்.

    TAGS
    dharmapuri

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp