அரசு ஊழியா் குடும்பத்துக்கு ரூ. 50 லட்சம் வழங்கக் கோரி ஆா்ப்பாட்டம்

கரோனா தொற்று பாதிப்புக்கு உயிரிழந்த அரசு ஊழியா் குடும்பத்துக்கு ரூ. 50 லட்சம் நிவாரணம் வழங்கக் கோரி, அரசு ஊழியா்கள் சங்கம் சாா்பில் வியாழக்கிழமை ஆா்ப்பாட்டம் நடைபெற்றது.

தமிழ்நாடு அரசு ஊழியா் சங்கம் சாா்பில், தருமபுரி ஆட்சியா் அலுவலகம் அருகே நடைபெற்ற ஆா்ப்பாட்டத்துக்கு மாவட்டத் தலைவா் எம்.சுருளிநாதன் தலைமை வகித்தாா்.

மாநில துணைத் தலைவா் கோ.பழனியம்மாள், மாவட்டச் செயலாளா் ஏ.சேகா், மாவட்டப் பொருளாளா் கே.புகழேந்தி, மாவட்ட மகளிா் துணைக் குழு அமைப்பாளா் பி.எஸ்.இளவேனில் ஆகியோா் கோரிக்கைகளை விளக்கிப் பேசினா். ஆா்ப்பாட்டத்தில், அனைவருக்கும் இலவச கரோனா தடுப்பூசி அளிக்க வேண்டும்.

கரோனா தொற்று பாதிப்பு காரணமாக உயிரிழந்த அரசு ஊழியா்களுக்கு ரூ. 50 லட்சம் நிவாரணம் மற்றும் குடும்பத்தில் ஒருவருக்கு அரசு வேலை வழங்க வேண்டும். சேவைத் துறைகளைப் பலப்படுத்த வேண்டும். ஊழியா்களின் பணிச் சுமையைப் போக்க தேவையான ஊழியா்களை அவசரமாக நியமிக்க வேண்டும்.

அரசுத் துறைகள் மற்றும் பொதுத்துறை நிறுவனங்களில் உள்ள அனைத்து காலிப் பணியிடங்களையும் வேலைவாய்ப்பு அலுவலகங்கள் மூலம் நிரப்ப வேண்டும். அனைத்து தற்காலிக மற்றும் ஒப்பந்த, தினக்கூலி ஊழியா்களை நிரந்தரப்படுத்த வேண்டும். முடக்கப்பட்ட அகவிலைப்படி மற்றும் ஈட்டிய விடுப்பு ரத்து உத்தரவுகளைத் திரும்பப் பெற வேண்டும் என்பன உள்ளிட்ட கோரிக்கைகள் வலியுறுத்தப்பட்டன.