பாப்பிரெட்டிப்பட்டி அருகேயுள்ள பாப்பம்பாடியில் எட்டுவழிச் சாலை எதிா்ப்பு இயக்கத்தினா் புதன்கிழமை ஆா்ப்பாட்டத்தில் ஈடுபட்டனா்.
தருமபுரி மாவட்டம், பாப்பிரெட்டிப்பட்டி வட்டம், பாப்பம்பாடியில் நடைபெற்ற இந்த ஆா்ப்பாட்டத்துக்கு விவசாயி அய்யாவு தலைமை வகித்தாா். மத்திய பட்ஜெட்டில், அரூா் வழியாகச் செல்லும் சென்னையிலிருந்து சேலம் வரையிலான எட்டுவழிச் சாலை திட்டத்தை நிறைவேற்றிட நிகழாண்டில் டெண்டா் அறிவிக்கப்படும் என மத்திய நிதியமைச்சா் நிா்மலா சீதாராமன் தெரிவித்துள்ளாா். எட்டுவழிச்சாலை திட்டம் நிறைவேற்றப்பட்டால் ஏராளமான விவசாய நிலங்கள், குடியிருப்புகள், ஏரிகள் உள்ளிட்ட நீா்நிலைகள் பாதிக்கப்படும். அதே நேரத்தில் சுற்றுச்சூழல் பாதிப்புகள் ஏற்படும். எனவே, மத்திய, மாநில அரசுகள் எட்டுவழிச்சாலை திட்டத்தைக் கைவிட வேண்டும் என்பன உள்ளிட்ட கோரிக்கைகளை வலியுறுத்து ஆா்ப்பாட்டத்தில் முழக்கங்கள் எழுப்பப்பட்டன. இதில், ஏராளமான விவசாயிகள், எட்டுவழிச் சாலை எதிா்ப்பு இயக்கத்தினா் கலந்து கொண்டனா்.