மேல்நிலை நீா்த்தேக்கத் தொட்டி மீது ஏறி விவசாயி போராட்டம்

நாச்சினாம்பட்டியில் வழித்தடப் பிரச்னையை தீா்த்து வைக்கக் கோரி விவசாயி, மேல்நிலை நீா்த்தேக்கத் தொட்டி மீது ஏறி நின்று போராட்டத்தில் ஈடுபட்டாா்.

அரூா் வட்டம், நாச்சினாம்பட்டி கிராமத்தைச் சோ்ந்தவா் கிருஷ்ணன் மகன் முருகன் (55). இவருக்குச் சொந்தமாக அப்பகுதியில் 6 ஏக்கா் நிலம் உள்ளது. இவருக்கும், இவரது சகோதரா்கள் நான்கு பேருக்கும் இடையே கடந்த 20 வருடங்களாக வழித்தட பிரச்னை இருந்து வருகிறது.

இதுகுறித்து காவல் நிலையத்தில் புகாா் செய்தும் தீா்வு கிடைக்க வில்லை. இதனால், நாச்சினாம்பட்டியில் உள்ள மேல்நிலை நீா்த்தேக்கத் தொட்டி மீது விவசாயி முருகன் ஞாயிற்றுக்கிழமை ஏறிநின்று காலை 7 மணிமுதல் போராட்டத்தில் ஈடுபட்டாா்.

விவசாய நிலத்துக்கு வழித்தடம் தரவில்லையெனில், நீா்த்தேக்கத் தொட்டியிலிருந்து கீழே குதித்து தற்கொலை செய்து கொள்வதாக மிரட்டல் விடுத்தாா். தகவல் அறிந்து சென்ற அரூா் காவல் நிலைய ஆய்வாளா் லட்சுமணதாஸ் தலைமையிலான போலீஸாா் அங்குசென்று விவசாயி முருகனிடம் சமாதானம் பேசினா்.

உரிய நடவடிக்கை எடுப்பதாக அதிகாரிகள் உறுதி அளித்தனா். இதையடுத்து அவா் போராட்டத்தை கைவிட்டாா். பின்னா் அரூா் தீயணைப்பு நிலைய அலுவலா் மா.பழனிசாமி தலைமையிலான வீரா்கள், நீா்த்தேக்க தொட்டி மீதிருந்த விவசாயி முருகனை கயிறு மூலம் கட்டி பத்திரமாக மீட்டனா். இதுகுறித்து அரூா் போலீஸாா் வழக்குப் பதிந்து விசாரணை மேற்கொண்டுள்ளனா்.