பெட்ரோல், டீசல் விலை உயா்வைதிரும்பப் பெற வலியுறுத்தி ஆா்ப்பாட்டம்

தருமபுரி/கிருஷ்ணகிரி: பெட்ரோல், டீசல் விலை உயா்வை திரும்பப் பெற வலியுறுத்தி, புரட்சிகர சோஷலிஸ்ட் கட்சி சாா்பில் தருமபுரி மாவட்டம், நல்லம்பள்ளியில் திங்கள்கிழமை ஆா்ப்பாட்டம் நடைபெற்றது.

இந்த ஆா்ப்பாட்டத்துக்கு, மாவட்டச் செயலா் இ.பி.புகழேந்தி தலைமை வகித்து பேசினாா். இதில், பெட்ரோல், டீசல் விலை உயா்வை திரும்பப் பெற வேண்டும். எண்ணெய் நிறுவனங்கள் விலை நிா்ணயம் செய்யும் நிலையை மாற்ற வேண்டும். பெட்ரோல், டீசல் மீதான வரியைக் குறைக்க வேண்டும். தமிழகத்துக்கு போதிய தடுப்பூசிகள் வழங்க வேண்டும். நீட் தோ்வை ரத்து செய்ய வேண்டும். வேளாண் சட்டங்களை திரும்பப் பெற வேண்டும் என்பன உள்ளிட்ட கோரிக்கைகளை வலியுறுத்தி முழக்கங்கள் எழுப்பப்பட்டன.

இந்த ஆா்ப்பாட்டத்தில், நல்லம்பள்ளி ஒன்றியச் செயலா் சண்முகம், மாவட்ட செயற்குழு உறுப்பினா்கள் மேகநாதன், பாா்த்தீபன் காசி, ரமேஷ் உள்ளிட்டோா் கலந்துகொண்டனா்.

ஒசூரில்...

கிருஷ்ணகிரி மாவட்டம், ஒசூரில் இந்திய கம்யூனிஸ்ட் கட்சி, மாா்க்சிஸ்ட் கம்யூனிஸ்ட் கட்சி, விடுதலைச் சிறுத்தைகள் கட்சி சாா்பில் கண்டன ஆா்ப்பாட்டம் நடைபெற்றது.

ஒசூா், ராம் நகா், அண்ணா சிலை அருகில் நடைபெற்ற ஆா்ப்பாட்டத்தில் மத்திய அரசுக்கு எதிராகவும், பிரதமா் மோடியின் நிா்வாகத்தைக் கண்டித்தும், தொடா்ந்து உயா்ந்து வரும் சமையல் எரிவாயு விலை உயா்வைக் கண்டித்தும் முழக்கங்கள் எழுப்பி போராட்டத்தில் ஈடுபட்டனா்.

இதில், சிபிஐ, ஏஐடிசியுசி மாவட்டச் செயலா் மாதையன், விடுதலைச் சிறுத்தைகள் கட்சியின் மாவட்டச் செயலா் ராமச்சந்திரன், சிபிஎம் மாவட்டச் செயலா் ஜெயராமன், சிபிஎம் மாநிலக் குழு உறுப்பினா் சேதுமாதவன் உள்ளிட்டோா் கலந்துகொண்டனா்.

தேன்கனிக்கோட்டையில் நடைபெற்ற ஆா்ப்பாட்டத்தில், சிபிஐ மாவட்டச் செயலரும், தளி சட்டப் பேரவை உறுப்பினருமான டி.ராமச்சந்திரன் சிறப்பு விருந்தினராக கலந்துகொண்டு கண்டன உரையாற்றினாா். மாவட்ட ஊராட்சிக் குழு உறுப்பினா் பூதட்டியப்பா தலைமை வகித்தாா். விவசாய சங்க மாநில துணைத் தலைவா் எம்.லகுமய்யா, சிபிஎம் மாவட்டப் பிரதிநிதி சேகா், இருதயராஜ், வட்டச் செயலா் வெங்கடேஷ், விடுதலைச் சிறுத்தைகள் கட்சி மாவட்ட துணைச் செயலா் செல்வம், தொண்டரணி மாவட்ட துணைச் செயலா் சக்திவேல் உள்ளிட்டோா் கலந்துகொண்டனா்.

இதேபோல, கெலமங்கலத்தில் ஊராட்சி ஒன்றியக் குழுத் தலைவா் கேசவமூா்த்தி தலைமையில் நடைபெற்ற ஆா்ப்பாட்டத்தில், கெலமங்கலம் ஒன்றியச் செயலா் ஜெயராமன், நகரச் செயலா் நாகராஜ், கெலமங்கலம் ஊராட்சி ஒன்றியக் குழு துணைத் தலைவா் ஸ்ரீநிவாஸ், மாவட்ட மகளிா் அணி தலைவி சியாமளா, துணைத் தலைவி ராஜேஸ்வரி, மாவட்டப் பிரதிநிதி பாபு உள்ளிட்டோா் கலந்துகொண்டனா்.

கிருஷ்ணகிரியில்...
பா்கூரையடுத்த கந்திகுப்பம் கிராமத்தில் இந்திய கம்யூனிஸ்ட் கட்சி, விடுதலைச் சிறுத்தைகள் கட்சியினா் சாா்பில் ஆா்ப்பாட்டம் நடைபெற்றது. இந்த ஆா்ப்பாட்டத்துக்கு இந்திய கம்யூனிஸ்ட் கட்சியின் வட்டக்குழு உறுப்பினா் முனுசாமி தலைமை வகித்தாா். விடுதலைச் சிறுத்தைகள் கட்சியின் ஒன்றியச் செயலா் மாதையன் முன்னிலை வகித்தாா். இந்திய கம்யூனிஸ்ட் கட்சியின் மாவட்ட நிா்வாகக்குழு உறுப்பினா் கண்ணு, வி.சி. கட்சி ஒன்றியப் பொருளாளா் ராஜா உள்ளிட்டோா் பங்கேற்றனா்.