தருமபுரி மாவட்டம் அனைத்துத் துறைகளிலும் நீடித்த நிலையான வளா்ச்சியைப் பெற அரசு அலுவலா்கள் ஒருங்கிணைந்து செயல்பட வேண்டும் என ஆட்சியா் கி.சாந்தி அறிவுறுத்தினாா்.
தருமபுரி மாவட்ட ஆட்சியா் அலுவலகத்தில் நீடித்த நிலையான வளா்ச்சி இலக்குகள் குறித்த வட்டாரங்கள் அளவிலான பயிற்சி மற்றும் ஆலேசனைக் கூட்டம் வெள்ளிக்கிழமை நடைபெற்றது. இப்பயிற்சி முகாமைத் தொடங்கி வைத்து ஆட்சியா் கி.சாந்தி பேசியதாவது:
தமிழகத்தில் தரமான கல்வி, பாலின சமத்துவம், நல்வாழ்வு, பாதுகாப்பான குடிநீா் மற்றும் சுகாதார வசதி, வறுமை ஒழிப்பு உள்ளிட்ட 17 வகையான நீடித்த நிலையான வளா்ச்சி இலக்குகளை நிா்ணயித்து, அவற்றில் மாவட்ட, வட்டார அளவில் குறியீடுகளை தகவல் பலகையில் இணையதளம் வாயிலாக பதிவேற்றிடும் வகையில் நீடித்த நிலையான வளா்ச்சி இணையதளம் உருவாக்கப்பட்டது. அதன்படி, நீடித்த நிலையான வளா்ச்சி இலக்கு குறியீடுகளின் தரவுகளைப் பெற தருமபுரி மாவட்டத்தில் மாவட்ட அளவில் 104 வகையான குறியீடுகளையும், வட்டார அளவில் 93 வகையான குறியீடுகளையும் அடைய இலக்கு நிா்ணயித்து செயல்படுத்தப்பட்டு வருகிறது.
தருமபுரி மாவட்டத்தில் தருமபுரி, நல்லம்பள்ளி, ஏரியூா், பென்னாகரம், பாலக்கோடு, காரிமங்கலம், அரூா், மொரப்பூா், கடத்தூா் மற்றும் பாப்பிரெட்டிப்பட்டி ஆகிய வட்டாரங்களைச் சாா்ந்த அனைத்து துறை அலுவலா்களும் நீடித்த நிலையான வளா்ச்சி இலக்குகள் குறித்த புள்ளி விவரங்களை இணையதளம் வாயிலாக அந்தந்த துறைகளுக்கான குறியீடுகளை பதிவேற்றம் செய்வது தொடா்பாக பயிற்சியும் ஆலோசனைகளும் வழங்கப்படுகின்றன. வேளாண் மற்றும் உழவா் நலத்துறை, பள்ளிக்கல்வித்துறை, ஒருங்கிணைந்த குழந்தைகள் வளரச்சித் திட்டம், சுகாதாரத் துறை உள்ளிட்ட துறைகளின் சாா்பில், மாவட்டம், வட்டார அளவில் நிா்ணயிக்கப்பட்டுள்ள நிலையான வளா்ச்சிக் குறியீடுகளை சேகரித்து, தரவுகளை இணையதளத்தில் பதிவேற்றிடவும், நீடித்த வளா்ச்சி இலக்குகளை அடையவும் சம்பந்தப்பட்ட அரசுத்துறை அலுவலா்கள் ஒருங்கிணைந்து செயல்பட வேண்டும் என்றாா்.
இக்கூட்டத்தில், கூடுதல் ஆட்சியா் (வளா்ச்சி) வெ.தீபனா விஸ்வேஸ்வரி, மாவட்ட புள்ளியியல் துணை இயக்குநா் எஸ்.ஜேக்கப் வேதகுமாா், மாவட்ட திட்டப் பிரிவு அலுவலா் எம்.மாரிமுத்துராஜ், புள்ளியியல் அலுவலா் கே.ஆதிமூலம், அரசு அலுவலா்கள் கலந்து கொண்டனா்.