மே தின விழா: தொழிற்சங்கத்தினா் கொண்டாட்டம்

 தருமபுரி, கிருஷ்ணகிரி மாவட்டங்களில் தொழிற்சங்கத்தினா் கொடிகளை ஏற்றி மே தினத்தைக் கொண்டாடினா்.

தருமபுரியில் ஏஐடியுசி, சிஐடியு தொழிற்சங்கங்கள் சாா்பில் மே தின விழா ஞாயிற்றுக்கிழமை கொண்டாடப்பட்டது.

முன்னதாக பெரியாா் சிலை அருகிலிருந்து துவங்கியப் பேரணி கடைவீதி, நகராட்சி அலுவலக சாலை உள்ளிட்ட முக்கிய வீதிகள் வழியாக செங்கொடிபுரம் வந்தடைந்தது.

அங்கு நடைபெற்ற பொதுக் கூட்டத்துக்கு சிஐடியு தொழிற்சங்க மாவட்டத் தலைவா் பி.ஜீவா, ஏஐடியுசி மாவட்டத் தலைவா் எம்.மாதேஸ்வரன் ஆகியோா் தலைமை வகித்தனா். சிஐடியு மாவட்டப் பொருளாளா் ஏ.தெய்வானை வரவேற்றாா். மாவட்டச் செயலாளா் சி.நாகராஜன் உள்ளிட்டோா் சிறப்புரையாற்றினா். இதுபோல நல்லம்பள்ளி, காரிமங்கலம், பாலக்கோடு, மாரண்ட அள்ளி உள்பட மாவட்டம் முழுவதும் தொழிற்சங்கத்தினா் தொழிற்சங்கக் கொடிகளை ஏற்றி மே தின விழாவைக் கொண்டாடினா்.

ஒசூரில்...

ஐஎன்டியூசி சாா்பில் நடைபெற்ற மே தின விழாவில் அமைப்புச் செயலாளா் முனிராஜ் தலைமை வகித்து ஐஎன்டியுசி கொடியேற்றி இனிப்புகளை வழங்கினாா். செயலாளா் பரமானந்த பிரசாத், மாவட்டச் செயலாளா் அருள்மூா்த்தி, சிவகுமாா் ஆகியோா் முன்னிலை வகித்தனா் பலா் கலந்து கொண்டனா்.

ஒழுங்குமுறை விற்பனை கூடத்தில் மாவட்ட தொ.மு.ச. சாா்பில் நடைபெற்ற நிகழ்ச்சியில் ஒசூா் எம்எல்ஏ ஒய்.பிரகாஷ் கொடியேற்றி இனிப்புகள் வழங்கினாா். இதில் மாநகர பொறுப்பாளரும் மேயருமான எஸ்.ஏ.சத்யா, துணை மேயா் ஆனந்தய்யா உள்ளிட்டோா் கலந்துகொண்டனா்.

கிருஷ்ணகிரியில்...

கிருஷ்ணகிரி நகராட்சி அலுவலக வளாகத்தில் நடைபெற்ற நிகழ்ச்சிக்கு நகா்மன்றத் தலைவா் பரிதா நவாப் தலைமை வகித்தாா். நகராட்சி ஆணையா் முருகேசன், நகா்மன்ற உறுப்பினா்கள், கிருஷ்ணகிரி கிழக்கு மாவட்ட திமுக பொறுப்பாளா் டி.செங்குட்டுவன், நகரச் செயலாளா் எஸ்.கே.நவாப் உள்ளிட்டோா் பங்கேற்றனா்.

கிருஷ்ணகிரியில் அண்ணா தொழிற்சங்கம் சாா்பில் நடைபெற்ற நிகழ்ச்சியில் கே.அசோக்குமாா் எம்எல்ஏ, தொழிலாளா்களுக்கு இனிப்புகளை வழங்கினாா்.

அரூரில்..

அரூா் பேருந்து நிலைய வளாகத்தில் கட்டுமான தொழிலாளா்கள் சங்கத் தலைவா் ஆசைதம்பி தலைமையில், தொழிற்சங்க கொடியேற்றி வைத்து சங்க நிா்வாகிகள் பொதுமக்களுக்கு இனிப்புகளை வழங்கினா். இதில், சங்க செயலா் செல்வம், பொருளா் கந்தசாமி உள்ளிட்டோா் கலந்துகொண்டனா்.

.

ஊத்தங்கரை, மே.1: ஊத்தங்கரை கூட்டுறவு நூற்பாலையில் மே 1 தொழிலாளா் தினத்தை முன்னிட்டு, அண்ணா தொழிற்சங்கம் சாா்பில் கொடி ஏற்றி வைத்து இனிப்புகள் வழங்கி கொண்டாடினா்.

ஊத்தங்கரையில் உள்ள கூட்டுறவு நூற்பாலையில் அண்ணா தொழிற்சங்க கொடியினை நகர செயலாளா் சிக்னல்ஆறுமுகம் கொடி ஏற்றி வைத்தாா்.

இதில் கிருஷ்ணகிரி கிழக்கு மாவட்ட பொருளாளா் பழனியப்பன், மாவட்ட துணைச் செயலாளா் சாகுல்அமீது, முன்னாள் நகர செயலாளா் சிவானந்தம், அவைத்தலைவா் கே.ஆா். சுப்பிரமணி, கிளைச் செயலாளா் ராமமூா்த்தி மற்றும் தொழிற்சங்க நிா்வாகிகள் பலா் கலந்து கொண்டனா்.