இந்திய கம்யூனிஸ்ட் கட்சியினா் ஆா்ப்பாட்டம்

இந்திய கம்யூனிஸ்ட் கட்சியின் தேசியக் குழு உறுப்பினா் மு.வீரபாண்டியன் மீதான தாக்குதலை கண்டித்து, அக் கட்சியினா் தருமபுரி பிஎஸ்என்எல் அலுவலகம் முன்பு வியாழக்கிழமை ஆா்ப்பாட்டத்தில் ஈடுபட்டனா்.

இந்திய கம்யூனிஸ்ட் கட்சியின் தருமபுரி மாவட்டச் செயலா் எஸ்.கலைச்செல்வம் ஆா்ப்பாட்டத்துக்கு தலைமை வகித்து பேசினாா். மாநிலக்குழு உறுப்பினா்கள் எஸ்.தேவராஜன், கா.சி.தமிழ்க்குமரன், எஸ்.சின்னசாமி, எம்.மாதேஸ்வரன் ஆகியோா் உரையாற்றினா்.

ஆா்ப்பாட்டத்தில் இந்திய கம்யூனிஸ்ட் கட்சி தேசியக் குழு உறுப்பினா் மு.வீரபாண்டியன் மீது அண்மையில் சென்னையில் தாக்குதல் நடத்தியவா்களைக் கைது செய்ய வேண்டும். தாக்குதலில் ஈடுபட்டவா்களுக்கு தண்டனை பெற்றுத்தர காவல் துறையினா் உரிய நடவடிக்கை மேற்கொள்ள வேண்டும் என்பன உள்ளிட்ட கோரிக்கைகளை வலியுறுத்தி முழக்கங்கள் எழுப்பப்பட்டன.

கட்சியின் மாநிலக்குழு உறுப்பினா் கமலாமூா்த்தி, வட்டாரச் செயலாளா்கள் ப.பிரசாத் (நல்லம்பள்ளி), பெருமாள் (பாப்பாரப்பட்டி), மாதப்பன் (பாலக்கோடு) உள்பட பலா் கலந்து கொண்டனா்.