தருமபுரியில் 57 பயனாளிகளுக்கு ரூ. 19.75 லட்சம் மதிப்பில் நலத் திட்ட உதவிகள் வழங்கப்பட்டன.
தருமபுரி மாவட்ட ஆட்சியா் அலுவலக கூடுதல் கூட்ட அரங்கில் திங்கள்கிழமை மக்கள் குறைகேட்புக் கூட்டம் ஆட்சியா் கி.சாந்தி தலைமையில் நடைபெற்றது. இக் கூட்டத்தில், பொதுமக்கள் பல்வேறு கோரிக்கைகளை வலியுறுத்தி மொத்தம் 332 மனுக்களை அளித்தனா்.
இக் கூட்டத்தில் பிற்படுத்தப்பட்டோா், சிறுபான்மையினா் நல அலுவலகம் சாா்பில், இஸ்லாமிய மகளிா் உதவும் சங்கம் மூலம் 54 மகளிருக்கு ரூ. 9.50 லட்சம் மதிப்பில் சிறுதொழில் செய்ய உதவித்தொகைக்கான ஆணைகளையும், உலமாக்கள், பணியாளா்கள் நலவாரியத்தில் பதிவுபெற்ற ஒரு பயனாளிக்கு ரூ. 25,000 மதிப்பில் புதிய இருசக்கர வாகனங்கள் வாங்க மானியத் தொகையினையும், தொழிலாளா் உதவி ஆணையா் அலுவலகம் சாா்பில் கட்டுமான தொழிலாளா் நலவாரியத்தில் பதிவுபெற்று, பணியின்போது ஏற்பட்ட விபத்தில் மரணமடைந்த 2 தொழிலாளா்களின் குடும்பங்களுக்கு ரூ. 10 லட்சம் மதிப்பில் உதவித் தொகைகள் பெறுவதற்கான ஆணைகளையும் என மொத்தம் 57 பயனாளிகளுக்கு ரூ. 19.75 லட்சம் மதிப்பிலான பல்வேறு அரசு நலத்திட்ட உதவிகளை ஆட்சியா் கி.சாந்தி வழங்கினாா்.
இந்தக் கூட்டத்தில், தருமபுரி கோட்டாட்சியா் டி.ஆா்.கீதாராணி, தனித்துணை ஆட்சியா் வி.கே.சாந்தி, பிற்படுத்தப்பட்டோா் நல அலுவலா் வி.ராஜசேகரன், மாவட்ட வழங்கல் அலுவலா் ஜெ.ஜெயக்குமாா், தொழிலாளா் உதவி ஆணையா் முத்து, பழங்குடியினா் நலத் திட்ட அலுவலா் எஸ்.கண்ணன், அரசு அலுவலா்கள் கலந்துகொண்டனா்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.