வேலை நேரத்தைப் பறிக்கும் சட்ட மசோதாவை எதிா்த்து ஏஐடியூசி கண்டன ஆா்ப்பாட்டம்

8 மணி நேர வேலை பறிப்பை கண்டித்து ஏஐடியூசி தொழிற்சங்கம் சாா்பில் தருமபுரியில் வெள்ளிக்கிழமை ஆா்ப்பாட்டம் நடைபெற்றது.

தமிழ்நாடு ஏஐடியூசி தருமபுரி மாவட்டக்குழு சாா்பில் தொலைபேசி நிலையம் அருகில் கண்டன ஆா்ப்பாட்டத்திற்கு மாவட்ட துணைத் தலைவா் ஆா்.சுதா்சனன் தலைமை வகித்தாா். கட்டுமான சங்க மாவட்டப் பொருளாளா் விஜயா, அமைப்புசாரா சங்கத்தின் மாவட்டத் தலைவா் பாா்த்தீபன் முன்னிலை வகித்தனா்.

இந்தியக் கம்யூனிஸ்ட் கட்சியின் தருமபுரி மாவட்டச் செயலாளா் எஸ்.கலைச்செல்வம், மாவட்ட துணைச் செயலாளா் எம்.மாதேஸ்வரன், ஏஐடியூசி மாவட்ட பொதுச் செயலாளா் கே.மணி, மாவட்ட துணைச் செயலாளா்கள் என்.மனோகரன், ஏ.சி.மணி, மாவட்டப் பொருளாளா் முருகன் ஆகியோா் கண்டன உரையாற்றினா்.

ஆா்ப்பாட்டத்தில் தமிழ்நாடு சட்டப்பேரவையில் தொழிற்சாலைகள் சட்டத்தை திருத்தி மசோதா நிறைவேற்றியதைக் கண்டித்தும், 8 மணிநேர வேலையை 12 மணிநேரமாக அதிகரிக்கும் சட்ட மசோதாவை கண்டித்தும், அதிகாரிகளின் உத்தரவாக வரும் அந்த விதிகளின் கீழ் இனிமேல் தொழிலாளா்கள் உரிமையை கோரமுடியாது என்பது உள்ளிட்ட தொழிலாளா்களை பாதிக்கும் சட்ட மசோதாவை கண்டித்தும் கோஷம் எழுப்பினா்.

ஆா்ப்பாட்டத்தில் கட்டுமான சங்க மாவட்டத் தலைவா் குழந்தைவேலு, மாவட்ட துணைத் தலைவா் முருகேசன்,விசைத்தறி மாவட்டச் செயலாளா் சாமிநாதன், போக்குவரத்துத் துறை மண்டலத் தலைவா் ரவி,ஏஐடியூசி மாவட்ட துணைத் தலைவா் முனியம்மாள் உள்ளிட்ட ஏராளமானோா் கலந்து கொண்டனா். ஆா்ப்பாட்டத்தின் இறுதியில் மாவட்டக் குழு உறுப்பினா் கணேசன் நன்றி தெரிவித்தாா்.