தொடக்கப் பள்ளிகளில் வங்கிக் கணக்கு பராமரிப்பு: கல்வித் துறை அறிவுறுத்தல்

அரசு தொடக்க, நடுநிலைப் பள்ளிகளில் வங்கிக் கணக்குகள் பராமரிப்பு தொடா்பாக கல்வித் துறை முக்கிய அறிவுறுத்தல்களை வழங்கியுள்ளது.

இதுகுறித்து தொடக்கக் கல்வி இயக்குநரகம் சாா்பில் அனைத்து மாவட்டக் கல்வி அதிகாரிகளுக்கு அனுப்பப்பட்டுள்ள சுற்றறிக்கை விவரம்: தமிழகம் முழுவதும் உள்ள 31,336 தொடக்க, நடுநிலைப் பள்ளிகளில் ஒருங்கிணைந்த பள்ளி கல்வி திட்டத்தின் கீழ் பல்வேறு நலத்திட்டங்கள் செயல்படுத்தப்பட்டு வருகின்றன. இதற்கான நிதி ஒதுக்கீடு செலவினங்களை மேற்கொள்வதற்காக ஒன்றுக்கும் மேற்பட்ட வங்கி கணக்குகளை பள்ளிகள் பராமரித்து வருவதாக தெரியவந்துள்ளது.

இந்நிலையில் நிா்வாக சிக்கல்களைத் தவிா்ப்பதற்காக வங்கி கணக்குகள் பராமரிப்பு தொடா்பாக வழிகாட்டு நெறிமுறைகள் தற்போது வழங்கப்படுகின்றன. அதன்படி தொடக்க, நடுநிலைப் பள்ளிகளில் ஒருங்கிணைந்த பள்ளி கல்வி திட்டங்களுக்கு தனியாக வங்கி கணக்கு பயன்படுத்தப்பட வேண்டும். மேலும் பொதுவான பள்ளி பயன்பாட்டுக்கு தனியாக வங்கி கணக்கு வைத்துக் கொள்ள வேண்டும்.

இவ்விரு வங்கிக் கணக்குகள் தவிா்த்து வேறு இருப்பின் அவற்றை முடிவுக்கு கொண்டு வந்து அதில் உள்ள நிதியை பள்ளி பொதுவான வங்கிக் கணக்கில் வரவு வைத்து பராமரிக்க வேண்டும். இந்த வழிமுறைகளை பின்பற்றி செயல்பட அனைத்து பள்ளிகளின் தலைமை ஆசிரியா்களுக்கும் அந்தந்த மாவட்ட கல்வி அதிகாரிகள் உரிய அறிவுறுத்தலை வழங்க வேண்டும் என அதில் தெரிவிக்கப்பட்டுள்ளது.

தங்கம் பவுன் ரூ.53,280

சென்னை, ஜூன் 26: சென்னையில் ஆபரணத் தங்கத்தின் விலை புதன்கிழமை 2-ஆவது நாளாக பவுனுக்கு ரூ.160 குறைந்து 53,280-க்கு விற்பனையானது.

சென்னையில் ஆபரணத் தங்கத்தின் விலை கடந்த செவ்வாய்க்கிழமை பவுனுக்கு ரூ.160 குறைறந்து ரூ. 6,680-க்கு விற்பனையான நிலையில் புதன்கிழமை மீண்டும் விலை குறைந்துள்ளது.

அதன்படி, ஆபரணத் தங்கத்தின் விலை கிராமுக்கு ரூ.20 குறைந்து ரூ. 6,660-க்கும், பவுனுக்கு ரூ.160 குறைந்து ரூ.53,280-க்கும் விற்பனையானது. வெள்ளி விலை கிராமுக்கு ரூ. 1 குறைந்து ரூ.94.50-க்கும் கட்டி வெள்ளி (ஒரு கிலோ) ரூ.1,000 குறைந்து ரூ. 94,500-க்கும் விற்பனையானது.