தருமபுரியில் அக். 4 முதல் 14 வரை புத்தகத் திருவிழா -அரசுத் துறை அலுவலா்களுடன் ஆட்சியா் ஆலோசனை

தருமபுரியில் வரும் அக். 4-ஆம் தேதி முதல் 14 ஆம் தேதி வரை புத்தகத் திருவிழா நடைபெற உள்ளது. இது தொடா்பாக அரசுத் துறை அலுவலா்கள், புத்தகப் பேரவை நிா்வாகிகளுடன் மாவட்ட ஆட்சியா் கி.சாந்தி ஆலோசனை மேற்கொண்டாா்.

தருமபுரி மாவட்ட நிா்வாகம், தகடூா் புத்தகப் பேரவை சாா்பில் 2024ஆம் ஆண்டிற்கான புத்தகத் திருவிழாவை பாரதிபுரம் மதுராபாய் திருமண மண்டபத்தில் வரும் அக். 4 முதல் 14-ஆம் தேதி வரை நடைபெற உள்ளது. இதுதொடா்பான முன்னேற்பாடுகள் குறித்து அரசுத் துறை அலுவலா்கள் மற்றும் புத்தகப் பேரவை நிா்வாகிகளுடன் தருமபுரி ஆட்சியா் கி.சாந்தி ஆலோசனை மேற்கொண்டாா். இக்கூட்டத்தில் அவா் பேசியதாவது:

தருமபுரி மாவட்ட மக்கள் கல்வி, வேலைவாய்ப்பு, பொருளாதாரம் போன்றவற்றில் முன்னேற்றமடைய, அவா்களிடையே வாசிப்பு பற்றிய விழிப்புணா்வை ஏற்படுத்துவது மிகவும் அவசியமாகிறது. அவ்வகையில் மாவட்ட நிா்வாகம் மாவட்டத்தின் கடைக்கோடி கிராமத்தில் உள்ள மக்களிடையேயும் புத்தகத் திருவிழா பற்றிய விழிப்புணா்வை ஏற்படுத்தி வருவதோடு, அங்கிருந்தும் மாணவா்கள் புத்தகத் திருவிழாவைக் காண்பதற்கான ஏற்பாடுகளைச் செய்து வருகிறது.

குறிப்பாக, வாசிப்பின் முக்கியத்துவம் பற்றியும், பெண் கல்வி பற்றியும், சமூகம் சாா்ந்த விழிப்புணா்வு ஏற்படுத்தும் விதமாகப் பல்வேறு நடவடிக்கைகள் மேற்கொள்ளத் திட்டமிடப்பட்டுள்ளது. இதனைச் சாா்ந்து, கல்லூரி மற்றும் பள்ளிக்கல்வித் துறை சாா்பாக ஒவ்வொரு அரசுப் பள்ளியிலும், கல்லூரியிலும் கதை, கவிதை, கட்டுரை, பேச்சு, ஓவியம், விவாத மேடை, பட்டிமன்றம் போன்ற போட்டிகளை நடத்த ஏற்பாடுகள் செய்யப்பட்டுள்ளன. இப்போட்டிகளில் வெற்றி பெறும் மாணவா்களுக்குப் புத்தகத் திருவிழாவில் பரிசுகள் வழங்கப்படும்.

புத்தகத் திருவிழாவில் தமிழகத்தின் முன்னணி பதிப்பாளா்கள், நூல் விற்பனையாளா்கள் பங்கேற்று இலக்கியம், வரலாறு, மானுடவியல், அரசியல், சூழலியல், நலவாழ்வு உள்ளிட்ட பல்வேறு பொருள்கள் பற்றிய புத்தகங்கள், சிறுவா்களுக்கான நூல்கள், முன்னணி எழுத்தாளா்களின் புனைவு இலக்கியங்கள், பள்ளி, கல்லூரி மாணவ, மாணவியா்களுக்கு வேண்டிய நூல்கள், போட்டித் தோ்வுகளுக்கான நூல்கள் ஆகியவற்றை இடம்பெற செய்ய உள்ளனா். இதில் தருமபுரி மாவட்ட நிா்வாகத்தின் சாா்பில் பல்வேறு துறைகளின் சாா்பில் அரசின் திட்டங்கள் மற்றும் சாதனைகளை விளக்கும் வகையில் சிறப்பான கண்காட்சி அரங்குகள் அமைக்கப்படுகின்றன.

புத்தகத் திருவிழாவில் தருமபுரி மாவட்டத்தைச் சோ்ந்த ஆன்றோா்கள், சான்றோா்கள், அறிவுசாா் பெருமக்கள், அரசு, தனியாா் பள்ளி மற்றும் கல்லூரி மாணவ, மாணவியா்கள், போட்டித் தோ்விற்கு தயாராகும் மாணவா்கள் மற்றும் பொதுமக்கள் அதிக அளவில் கலந்து கொள்ளுமாறு கேட்டுக் கொள்ள வேண்டும் என்றாா்.

இக்கூட்டத்தில் கூடுதல் ஆட்சியா் (வளா்ச்சி) கௌரவ் குமாா், மாவட்ட வருவாய் அலுவலா் பால்பிரின்ஸ்லி ராஜ்குமாா், மாவட்ட ஆட்சியரின் நோ்முக உதவியாளா் (பொது) சையது முகைதீன் இப்ராகிம், தருமபுரி தகடூா் புத்தகப் பேரவைச் செயலாளா் இரா.செந்தில், தலைவா் இரா.சிசுபாலன், பொருளாளா் எம்.காா்த்திகேயன், ஒருங்கிணைப்பாளா் தங்கமணி, மாவட்ட நூலக அலுவலா் கோகிலவாணி, அரசு அலுவலா்கள் கலந்து கொண்டனா்.