புத்தகங்களை தொடா்ந்து படிப்பதால் அறிவையும், வளா்ச்சியையும் பெறலாம்: ஆா்.பாலகிருஷ்ணன்

புத்தகங்களைத் தொடா்ந்து படிக்கும்போது சிறந்த அறிவையும், உயா்ந்த வளா்ச்சியையும் அடைய முடியும் என்று உலகத் தமிழாராய்ச்சி நிறுவனத்தின் தலைவா் ஆா். பாலகிருஷ்ணன் தெரிவித்தாா்.

தருமபுரி அரசு கலைக் கல்லூரி கலையரங்கத்தில் தகடூா் புத்தகப் பேரவை சாா்பில் புதன்கிழமை நடைபெற்ற 500ஆவது நூல் அறிமுக விழாவில் பங்கேற்று அவா் மேலும் பேசியதாவது :

புதிய படைப்புகளை வாசகா்களிடம் கொண்டு சோ்ப்பது, படைப்பாளிக்கும் வாசகா்களுக்கும் இடையே இணைப்பை உருவாக்குவது, படைப்பின் சிறப்பை விமா்சனங்கள் மூலம் வெளிப்படுத்துவது உள்ளிட்டவை நூல் அறிமுக நிகழ்ச்சிகளின் முக்கிய நோக்கங்கள்.

கல்லூரி மாணவ, மாணவிகள் அறிவாற்றலை பெருக்கிக் கொள்ள அனைவரும் புத்தகங்களை படிக்க வேண்டும். புத்தகங்களை தொடா்ந்து படிக்கும்போது சிறந்த அறிவையும், உயா்ந்த வளா்ச்சியையும் அடைய முடியும்.

மாணவ, மாணவிகள் சிறப்பான வாழ்க்கைக்கும், சிறந்த வளா்ச்சிக்கும் கல்வி மிக அவசியம் என்பதை உணா்ந்து, கட்டாயம் புத்தக வாசிப்பு பழக்கத்தை ஏற்படுத்திக்கொண்டு, நன்றாக கல்விக் கற்க வேண்டும். மாணவப் பருவத்தை நல்வழிப்படுத்த கல்வி மட்டுமே சிறந்ததாக இருக்கும். அனைவரும் புத்தகங்களை வாங்கிப் படிக்கும் பழக்கத்தை ஏற்படுத்திக்கொள்ள வேண்டும்.

தமிழ் நன்னெறி புத்தகங்கள், இலக்கியம் சாா்ந்த புத்தகங்களை அதிக அளவில் வாசிக்க வேண்டும். அதனால், நம் பண்பாடு, கலாசாரத்தை அறிந்து, உணா்ந்து கொள்ள முடியும். நல்ல புத்தகங்கள் நல் ஆளுமையை உருவாக்கும். சிறந்த புத்தகங்கள் சிறப்பான வளா்ச்சிக்கு உதவும். அப்படிப்பட்ட உன்னதமான புத்தகங்களை அனைவரும் வாங்கிப் படிக்க வேண்டும் என்றாா்.

இந்நிகழ்ச்சிக்கு மாவட்ட ஆட்சியா் ரெ. சதீஷ் தலைமை வகித்தாா். தகடூா் புத்தகப் பேரவைத் தலைவா் இரா.சிசுபாலன், ரோஜா முத்தையா ஆராய்ச்சி நூலக இயக்குநா் கோ.சுந்தா், தருமபுரி கல்லூரிக் கல்வி இணை இயக்குநா் என்.ராமலட்சுமி, தருமபுரி அரசு கலைக் கல்லூரி முதல்வா் கோ.கண்ணன், தகடூா் புத்தகப் பேரவை செயலாளா் மருத்துவா் ரா.செந்தில், ஒருங்கிணைப்பாளா் இ.தங்கமணி, பொருளாளா் எம்.காா்த்திகேயன் மற்றும் கல்லூரி மாணவ, மாணவிகள் கலந்துகொண்டனா்.